هلا بك أختي ابتسامة موضوعك جداً جميل
مارأيك في الزوج يفرق في المعامله اهله جداً مهتم فيهم وماقلنا شيء
من واجبه تجاههم لكن مثلاً اذا جت زوجته بتسوي لاهلها مثل اهتمامه
لا ماينفع وكانه ماخذ زوجته ملك له ولا يحق لها انها تطلب زياره لاهلها
اذا هو راجع من دوام لانه امها عند ضيوف واذا سارت امه سبحان الله ركض يوديها لامه
وتروح جميع الاعذار في الاسبوع يبغاك تزوري امه معاه ثلاث مرات تقريباً واهلك مره وحده اخر الاسبوع
واذا مو في الوقت اللي حدده خلي احد من اخوانك يوديك ويجيبك هذا لما كانوا في منطقه اهله واهلها
ولما كانوا في مدينه ثانيه اذا بتسافر لاهلها اول شيء الويكند تقضيه عند اهله معاه وبعدين تروح عند اهلها
في وسط الاسبوع تروحين تزورين امي وبالغصب ولا بيسير زعل وطبعاً مين يوديها اخوانها والاربعاء يكون جاي ويأخذها عند اهله يكمل باقي الويكند وترجع وطبعاً كل اللي يسويه لاهله مايسوي ربعه لأهل زوجته وممكن يجي نفس منطقه اهل زوجته واهله ومايمر على اهل زوجته بحجة انه مشغول واصلا يكون اجازه عنده يعني انشغال بزيارات او شيء من هذا القبيل مايعذر
ولما سألته زوجته عن السبب اللي يخليه مو مهتم يقولك ماحطيتهم في دائرة اهتماماتي
رأيك ياأخت ابتسامه مع العلم انهم دائماً يكرمونه ولا عمر احد غلط عليه اهلها جداً جداً محترمين وحاطين عياله في عيونهم وكل الدلع لهم لانهم اول احفاد. في عائلة اهل زوجته
بينما عدد الأحفاد عند اهله ماشاء الله