المشاركة الأصلية كتبت بواسطة أشغلتني دنياي

مع هذا الرد جملة وتفصيلا

اشراقة ماراح أزيد على اللي قالوه الأعضاء بس راح أذكر لك تجربة بسيطة من حياتي مع زوجي (مع انه شي تافه مقارنة بتجربتك انتي) بس ممكن تساعدك في فهم تفكير الرجال

في بداية زواجي كنت مو قادره أوفق بين وظيفتي ودراستي وشغل البيت والطبخ والاهتمام بزوجي واستقبال الضيوف.. طلبت زوجي خدامه ورفض بحجة ان ماعندي هذاك الشغل واني اتدلع!

طبعا هو ليش أخذ هذه الفكرة.. لأني كنت حريصه اني أخلص شغلي كله من تنظيف وطبخ في الوقت اللي يكون فيه زوجي خارج البيت.. لما يرجع كان يلقى البيت نظيف مرتب والأكل جاهز وأنا جالسه أقرأ أو أنتظر فيه.. فما كان يحس بالحوسه اللي انا فيها والكرف اللي أكرفه لأنه مو شايف هذا الشي بعيونه

قمت غيرت نظامي.. صرت أبدأ في التنظيف والطبخ اذا قرب زوجي يرجع من البيت.. لما يدخل يلقى الدنيا محتاسه وحالتي حاله

وأجلس أتشكى ان ما عندي وقت للدراسة بسبب ان شغل البيت ماخذ جزء كبير من وقتي (كيد نساء مثل مايقولو )

طبعا نجحت الخطة ووافق على الخدامة

نصيحتي لك اتركي المثالية وبيني لزوجك تعبك النفسي والجسدي.. مافيها شي لو انفجرتي فيه مره وطلعتي البركان اللي بداخلك!

مرة عجبني التكنيك ماشاء الله عليك أحييك 👏

تعجبني المرأة الذكية..

وعلى فكرة سويت نفس حركتك قبل كم سنة..

عشنا في الخارج فترة وولدت ابني هناك فكنت فترة النفاس لحالي وعندي أطفال ولا اهل ولا خادمة.. كان يساعدني أول أسبوعين من إلى..

بعدها لما صار يرجع و يشوفني تعبانة آخر الليل ما يستوعب
يقولي ايش عندك ما عندك شي فاضية طول اليوم وتقولي مرهقة !!

صرت أكوم الغسيل، وما أذاكر للأولاد، ويدخل البيت أنا لسة في المطبخ أطبخ، وولدي الرضيع يبكي، وطبعا هذا كله متعمدة !

وقتها حس فيني من جد. .

وبطل كل شوي يتكلم بدون ما يعرف تفاصيل يومي، والتعب اللي أمر فيه


معليش يعني هو اللي يغلط وانتي اللي تداريه؟ المفروض اللي يغلط هو اللي يداري ويرقع

لو زوجك بايع ماكان نصحتك بهذي النصيحة بس زوجك ماشاء الله واضح انه يحبك وشاريك ومستحيل يستغني عنك

فعلا مو كل زوجة تزوج عليها زوجها يعني مقصره أو انه مايحبها.. انتي انسانة مثالية وزوجك يموت فيكي ومع ذلك تزوج عليكي.. الظاهر انه يحسب كل الحريم مثلك