السلام عليكم

غاليتي متابعه لمواضيعك من فترة
اشوف فيك طيبه وحنان مع تسرع
وزوجك كمان طيب ويحبك ماشالله عليكم الله يهنيكم


اغلب مشاكلكم ( من وجهة نظري) تتحملي نسبه اكبر من الخطا
تدخلي الامور ببعض العواطف مع الاهتمام مع المشكلات الماديه
فايطلع كلامك كانك بتمني عليه حتى لو ماتقصدي

انتي عاطفيه وتستني اهتمامه
ولما يقصر عاطفيا معاك تتذكري كل مساعداتك له رغم انها جت منك وبطيب خاطر مااجبرك
واقنعتي نفسك انه طمعان ومش قوام عليك الخ الخ وهذا يتفق مع احساس خوف دايم عندك
انه يكون زي القصص الي نسمعها ( يستغلك ووقت ماربي يكرمه بيرميك)
طوبس يهتم فيك يومين ويعطيك جرعة حنان ... تفتحي عيونك على ايجابياته ومحاسنه
وتقنعي نفسك انه غير وتقرري تعطيه عيونك ومالك وكل شي
وعند اول مشكله قادمه او تقصير منه بترجعي للحاله الاولى وتندمي على عطائك


الحل عندك حبيبتي
1) لا تقعدي تستني اهتمام وحب وعلاقه زوجيه زي ايام الزواج الاولى
التعلق يخف مع الوقت والمسووليات والديون الي عليه كفيله تخليه يشيل هم ويقصر معاك عاطفيا
وحتى من غير ديون دي سنة المتزوجين مع مرور الوقت والروتين

2) افصلي امورك الماديه عن عواطفك تجاهه
فكري بحياتك معاه خلال السنتين الي فاتو كيف كانت بشكل عام اوقات المشاكل واوقات الصفا
هو كاانسان وتعامل واخلاق وتربيه بشكل عام
يستاهل ؟ فعلا محتاج؟ يصرف الفلوس بمكانها الصحيح ولا يضيعها بسفر مع اصحابه وبحاجات تافهه؟
يحاول يطور من نفسه ولا بيجلس طول عمره يتسلف منك

3) اذا بتعطيه شي احتسبيه عند رب العالمين ولا تستني منه زياده حب ولا زياده اهتمام ولا انه يشيلك فوق راسه ويحمل جميلك ويصير خاتم باصبعك استني الاجر من الله...
اذا بتعطيه انسسسسسسسي ولا تدكري كل شويه عطيتك وعملت لك

4) كل زوجه تضحي عشان زوجها .. انتي ممكن تضحي بالمال غيرك ضحت باهلها وبلدها وتغربت
غيرك ضحت برغبتها بالانجاب. .. غيرك ضحت بشهادتها ومستقبلها وتنازلت عن وظيفتها عشان زوجها
غيرك ضحت براحة بالها وقبلت الجلوس مع ضرة ... الخ الخ
بس ماحد يقعد يمن ويمن ...

هذا بشكل غام ...


بالنسبه لسوالك غاليتي
برايي تبني البيت لانه لك ضمان وامان خاصه انه باسمك بشرط واحد انك ابدا ابدا ابدا
ماتذكري له هذا بيتي عالطالعه والنازله

اذا من الان تشوفي نفسك ماراح تتحملي تقصير منه بالمستقبل وتمني عليه بالبيت
او ماراح تتحملي اهله وزياراتهم
او ضيوفه
فخلاص استني عليه لين مايخلص دراسته ويحسن وضعه

خلال السفره لا تفتحي اي موضوع سافري واتهني الله يسعدكم
ولما ترجعي فكري كويس واستخيري بكل امورك وبعدين يصير خير

__________________
سبحانك لا اله الا انت اني كنت من الظالمين