ماشاء الله اخويا زوجتك صفاتها حلوة دامها طيبة وتسمع كلامك فهذا شي جدا طيب يعني مجرد صراحتك معها وتنبيهها على اغلاطها بتجيب نتيجه لانه بنفسك قلت كلامك يأثر فيها فهذا شي بصالحك هيا تحبك وتدور رضاك وأي شي تصارحها انه غلط راح تعدله او على الاقل راح تحاول تعدله عشان خاطرك وانت جرب وشوف .. انا ضد انه الزجين يسكتوا عن الحاجات الي تضايقهم من طرف شريك حياتهم احتمال كبير زوجتك مهي عارفه انك تضايق من تصرفاتها واحتمال هيا لا ارادية منها فنبهها ووضح لها ايش حاب تشوف من تغيير فيها اجلس معاها يوم تكون فيه مبسوطه قولها قد ايش انت مرتاح معاها وتحبها وقول كل حسناتها عشان تعطيها دافع تستمر عليهم ووضح بعدها الي يضايقك وايش التغيير الي تحب تشوفه *..
وموضوع شغل البيت لا هذا الشي لازم توضحه لها انه من واجباتها كزوجةوقول انا تجذبني الزوجة الي تطبخ لي وتقوم باحتياجاتي كامله وكده عشان تبذل جهدها وتسويه عشانها تحبك فبتدور رضاك ان شاء الله .

ملاحظه انا استغربت من العضوات صراحه الي تقول سيبها راح تتعدل وكده والبنت صغيرة لا ياحبيايبي البنت مهي صغيرة في الي بعمرها امهات ايش الي عشرين سنه وصغيرة اذا عشرين صغيرة اجل 15 ايش بتكون .. ولو هو سكت ومشاها على هذا الحال البنت كيف بتعرف انه زوجها متضايق اذا هو بس يمشي ويلبي وفوقها البنت بتحمل ان شاء الله والحمل تعب وارهاق نفسية الله يعلم كيف تكون كيد راح تزيد عبوس وطفش ودلع فاتكلم من دحين عشان ترتاح بعدين ..

الله يديم بينكم المودة والمحبه وزوجتك كويسه ماشاء الله حافظ عليها ودلعها بحدود .