الله يفرج كربتك ويطمن قلبك ويلم شلمك ويهدي زوجك
ان كان زوجك من بيئه صالحه ومتدينه وفيه خير على قولتك ..
فإبدأي خطوه خطوه ..وارى انك تشركين احد معك اختك او احد اخوانك العاقلين جدا جدا حتى اذا المسأله اخذت منحى اخر
يكون فيه من يدافع عنك ويقف معك .. طبعا مو شرط يعرف التفاصيل اقل شيء قولي انه راعي بنات وابي زوجي يرجع وينصلح حاله بدون فضايح وابيك معي عشان لو كبر الموضوع
اولا :
حاولي فيه بالتخويف استغلي تأنيب الضمير اللي عنده
برسائل الواتس ارسلي باليوم خمس رسائل عاديه ووحده منهم فيها تلميح لفساد الزوج وانه مثل الدين فلو خان الاب زوجته وتعديه على بنات الناس سيكشف الله ستره وترد لابنته طبعا هو راح يقيس على ولده
كرري رسائل التعذيب والتخويف .. وحاولي ان لايشك يعني ارسلي اربع ايام رسائل عاديه نكت .. مقاطع مضحكه
رسائل يوم الجمعه ..
اوحاولي كل هذي الفتره تتعاملين بطططيبه لحد السذاجه حتى يعذبه ضميره اكثر
فغالبآ من تربى تربيه صالحه يكون ضميره صاحي ومهما اضاع الطريق يرجع ومهما غفى ضميره يصحوا باذن الله
2:
اذا مانفع الحل اعلاه بعد مرور اقل شي شهر شهر ونص .. ولااحدث تغير
تكلمي معه جلسة صراحه قبل النوم قولي يافلان انا ضايق صدري طبعا تحملي صده وردوده القاسيه
قولي له انا احس فلان (ابنكم) مره فاقدك ويضيق صدري متعلق فيك بزيااا ه وانت ماتعطيه وجه ارحمه لو تشوف اليوم وش يقول (الفي قصه من مخك وسوي ان ولدك يقلدددددده بكل تصرف واشياء دقيقه علشان يخاف )
قولي من تعلقه فيك يقلدك حتى بحركاتك ودي نطلع انا وياك وهو عشان ينبسط بك
تدري اذا رحنا لاهلي ماعنده سالفه الا انت كل ماقلنا شي قال بعلم بابا .. بابا بيشتريلي .. بابا يوديني وان كان مايتكلم ولدك قولي يمسك الجوال ويقول بابا او اذا احد زعله يأشر على الباب ويقول بابا حسسيه بتعلق ولده فيه
ومافي مانع تجمعين رقم 2/1 مع. بعض لكن بتدررررج
طبعا مو على طول رايقه لا عصبي لكن ناااادر وبدون كلام بس ازعلي عشان مايحقد عليك واقولك عصبي عشان مايشك بشي
3:
اذا مانفع لا رقم 1ولارقم 2
مالك الا تصارحينه انه متغير واني متضايقه وطفشانه واحس وقتك كله لزميلك ولاتلمحين ابدددددا لشكك في علاقتهم
اشتغلي بصمت
ماتغير ولاحاول يتغير
ابدي بالمراقبه والاثباتات
والتصوير
وقبل هذا وذاك لاتنسين الدعااء
الله يهدي زوجك ويرده لكم ردا جميلا

__________________