المشاركة الأصلية كتبت بواسطة ملكة الآحساآآس

السلام عليكم
اخواني اخواتي اتمنى الي عنده راي بمشكلتي يعطيني حلول
الاغلب الي هنا عارف بمواضيعي السابقه وعارف تكوين اسرتي
انا وزوجي دخلنا بمشكله ارهقتني كثير
ومع الخصام اتفقنا انه بكره وهو طالع لدوامه اروح بيت اهلي
واول مره احس اني من جد ابغى اروح
ولا ابي استمر معاه ولا حتى دقيقه
وطلعت له الي بخاطري
السبب هالمره امه
امه انساانه غيووووووووووره وتكرهننننننني حتى كلام ماتكلمني وسلام ماتسلم علي
لو لبست او كشخت يطلع صوت نفسها الحار وعيونها باحتقار تناظرني
اول اسبوع جات كانت سببب في اجهاضي
ثاني اسبوع احتقارات وسب وشتم وللاسف زوجي اكتشفت ضعفه امام امه وليس بر لاحظوا
ولكن خووف من امه ومن اخته
وللاسف كنا مسافرين وصارت هوشه بيينا هي وولدها استغلوا بعدنا عن اهلي تماما
اخر يووم بالسفر رجع زوجي يبوس رجولي اسامحه
وسامحته بعد ان تعهد مايسمح لها تسبني او حتى يسبني هو قدامه
ثالث اسبوع رجعنا ورحت اهلي استرخاء لمده اسبوع ااخر
هي بعد مارجعت راحت لاختها اسبوع
عشت احلى ايام مع زوجي ويتاسف لي ومتندم على فعلته
اسال الله ياخذ حقي
عادت وبعد يوم بدات تكيل لي ولا تحترمني وماكانه انسانه قدامها
تعبت جدا وانا اسولف لها واخترع قصص واحاول اضبط الجو عشان التوتر يخف
حاولت اقراء لها قصص انبياء
حاولت اطلعها مولات ومجمعات وشاليهات واستراحات
ولكن من نعود البيت تصبح عدووو
الي حصل اللليله انه تعبت خلااص من زعلها الغير مبرر علي
واعتبارها لي انه خادمه لااكثر
صارحت زوجي وبكيت قلت الصباح اصحى واجهز فطورها
وماتكلمني ولا حتى تسلم علي لما تدخل الصاله
اقوم ابوس راسها ولا كاني قدامها شي
تنتقدني انتقاد لاصحة له
اذا اكلت ولدي تقول لاتاكلينه وتستفزني بعبارتها السيئه
اذا طبخت تصرخ لاتحطين زيت وثوم وكاني طباخه مالي حريه ببيتي
المهم الليله جاب زوجي عشاء بحكم انه الاغراض مو مكتمله
وبنروح نقضي بعد العشاء يعني مو تقصير مني
حضرنا العشاء واول مااحضرناه على طول حط كل الاكل عندها
يمه كلي وهي تعطيه وتقول اكل انت
شلت قطعه من الاكل واعطيتها خالتي وقلت كليها من يدي
واعطيت زوجي قطعه وقلت ياليتك تذكرتني حبيبي قبل شوي
لو بس جبر خاطر وقلت كلي
عصب وسب وتكلم كلاااااام جااارح
قمت من الاكل وهي تضحك ؟؟؟؟؟؟؟؟؟؟؟
لحقني وجلس يتاسف لي
ليه تسوي قدام امك المغوار
مو عيب انك تقول زوجتي حبيبتي
ليش تستحي من حسن اخلاقك معاي
ليش ؟؟؟؟؟؟
قال باعتذر لك قدامها
طلعنا واحتقارات واسلوب يعور القلب
طلعنا نبي نقضي وهي راحت معنا قلت لزوجي اعرف وش بيصير
اعرف انه راح تنغزني بكلام وهي اعرف استفزازاها لي
خلاص نزلني مجمع اقضي لي كم غرض وانت روح جيب الاغراض
قال اوك
ولا اعتذر قدامها على كلامه انتظرته يعتذر ومااعتذر
بعد ماتسوقنا رجعنا البيت وهي تحتقرني ولا تكلمني ولاترد سلام ولا كلام كاني عدووه
نفخات وزفراات
رجعنا البيت وقال غسلي الفواكه وجيبيها قلت اوك
وغسلتها وجيت وقال يمه كلي ترى جبت الفواكه عشانك
عرفت يعني ضفي وجهك ورحت
وتناقشنا انه مايدافع عني ولا ييقول هذي زوجتي احترموها
وقلت له خلااص انا هنا انتهيت وابغى رجال يحميني ويدافع عني
من اول مارحنا لها بيتها سوت لي البلاوي وانت ساكت
انا اعينك عالبر لكن حقوق الزوجه ماله دخل بالبر

يكفي الي صار من بداية زواجنا وانا متحمله
متاكده لو صار موقف راح يتخلى عني
طبعا الي قلته نقطه ببحر من الي سوته ام زوجي فيني هي وولدها
تكفون اعطوني راي