اقتباس:
المشاركة الأصلية كتبت بواسطة فرح تايه ~
يابعد قلبي بما إنه حالتك تزيد سوء مع الأيام والمرض تدرج معاك وحاليا الوساوس مسيطرة عليك ومتمكنة منك معناته لازم دكتور ..! خليك من زوجك والله لو هو اللي تعبان ما خلى دكتور مافتح ملف عنده .. بتقولي إنك ماعاد تحسي بالسعادة ..؟! شنو تنتظري إذا مارحمتي نفسك لا تدورين أحد يرحمك ..
لو إنتي بجدة مستعدة أوفرلك كل أدويتك .. أعطيني الروشتة وأبشري بعزك .
ربي يشفيك ويعافيك ويرفع عنك ويخليك لبناتك ويشرح صدرك ويملاه راحة وطمأنينة ..
|
اكيد لو هو تعبان ما يخلي نفسه اغلب الرجال انانيين ما يفكرون الا بانفسهم
والله اني احب الحياة واحب نفسي بعد بس المشكلة عندي هذا المرض
وساعات اقعد بيني وبين نفسي وافكر حياتي بدون وساوس وافرح واقول يالله واشلون الحياة بتصير حلوة
وبالنسبة للادوية جزاك الله خير والله يكثر من امثالج
بس تري انا اذا طلبت المساعده من اهلي والله ما يقصرون بس انا ما ابي احد يعرف بمرضي
وفكرة الادوية مو داخلة مخي احسها بس تخدير لاني جربتها وكله احس بنوم وخمول