عزيزتي ملكة اكبر خطأ تسليم طفل بعمر 12سنة مفتاح السيارة
وهل القانون بيسمع بهالعمر القيادة
اذا كان لاء واجت مخالفة مين بيتحمل المسؤولية
من اسبوع قلت لابني ان شاءالله بس ربي يعيشنا ويصير عمرك 18سنة بتعمل دفتر سواقة وبتصير تسوق سيارة
فرح كتير وصار يحسب انو بعدلو 8سنين وباي صف بالمدرسة بكون
فمن هلئ عرف انو عال18بسوق سيارة
بالنسبة بس يقلك ظالمة اقعدي معو وخليه يشرحلك شو يعني ظالمة
وفسريله انو لمصلحتو اتصرفتي واتعاملتي بوقتها معو هيك
انا بس عاقب ابني الكبير بقلي انتي ما بتحبيني فبرد وبقلو بحبك كتير مش شوي
بس ما بحب تصرفاتك
وببوسني وبحضنو بس بضل على عقابي وما بتراجع
مع انو زوجي كتير حنون عالاولاد ولين وكانت اكثر مشاكلنا بسبب الاولاد لانو انا بشد وهوي بيرخي
بس مع الوقت كتير اتغير من بعد ما حكيتو كتير انو ما يكسرلي كلمتي
وصار فيكي تقولي انو 60%كلمتنا وحدة مع الاطفال وان شاءالله اوصل لل80%
اما بالنسبة للصلاة لازم تجي من باب التحبيب وليس الترهيب او فرض بالقوة
وهون بيرجع لدور الاب بهالعمر مع الولد ويصادقه ويكون قدوة للابناء
زوجي ان كان في مناسبة اسلامية او غيرها بيشرح للاطفال قصص الانبياء واقوال الرسول
ويومية زوجي بيسمع قرآن وبيقرأ وبيعلمهن وبصير متل تحدي بيناتهن
تقريبا بعلم الاطفال بالاسبوع مرة مع انهم بيسمعوه بيقرأ وبيسمع بشكل يومي
صادقي ابنك حبيبتي ملكة غاليها وشوفي الفرق
انا ابني بيحكيلي كل شي ما في حدود بين بعض
وان حكى شي ما المفروض يحكيه وممكن يكون عيب عند البعض ولد يحكيه مع امه
بسمعله للاخر لشوف كيف عم يفكر وباخد وبعطي معو
وبنفس الوقت بس يعزب بالبيت او يتخانق مع اخواته بسمع من الكل وبعدين العقاب ان كان صغير او كبير
ما عندي قول هيدا اصغر منك كرمال هيك ما بعاقبه بالعكس بعلن العقاب حسب عمر الولد
وعلى جنب بفهم الكبير انو انت اوعى واكبر ولازم تحتويه وكرمال هيك عقابه حسب عمره
والا اذا ما عاقبنا الاصغر بيصير الكبير يحط نقط علينا ويعتبر تمييز بيناتهن وانو عم نسكته وهالشي بأثر على شخصيته او بصير عنده تمرد
بالنسبة بحب صحبة اصحابه انا كتير ابني بفضل يروح مع اصحابه وما يضهر معنا
مرات كتير بسمحله وكم مرة بخليه يروح معنا
اهم شي اعرف مين هني اصحابو وكيف بفكرو واذا اصحاب مشاكل
وحتى شرب القهوة لهالعمر بلاقيها حرام للولد كافيين من هلئ
الافضل مشروب الكاكاو او اي نوع بحبه بعيد عن القهوة
خليه هوي يختار شو بحب يشرب واطلبي منو يقعد شوي ويروح
بس ما تفرضي عليه يقعد الجلسة كلها
حبيبتي لترتاحي حاولي مرة واتنين وعشرة مع زوجك بجلسات مصارحة
وتتفقوا شو المفيد وشو المضر للولد
الله يجازيكي خيرا حبيبتي على تعبك وتشوفي نتيجة تعبك بعدين ويجعلهن من الصالحين
الله يحميلك ياهن وعقبال ما تشوفيهن شباب وتفرحي منهن
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه