ياقلبي الخاين لازم يبان عليه.....وادعي ربي يكشفه لك ولو فعلاً خاين تأكدي بأنه رح يٌكشفه الله لك فلا تشغلي بالك بالخيانه ولا توسوسي حتى تجدي دليل...

زوجك ماأخذ فكره إنه المرأه مايحق لها تعرف وين تروح وين تجي ومايحق لها تحاسبه.....


وانتي تعاني من فراغ وهذا الي يخليك توسوسي كثير....

ذكرتي مواصفات جيده في زوجك صدقيني الخاين غالباً فلوسه تروح مع الخيانه ويبخل ع زوجته....


أنا بداية زواجي زوجي كان زي زوجك مستحيل يقولي شي وانا بطبيعتي او ربما لصغر سني ماأحب أبحث ولا أفكر تفكيري في نفسي واهلي ووناستي وهذا ساعدني إنه زوجي يغير نظرته للزوجه انها حشريه وتنكد ع الزوج بالاسئله لدرجة إنه يقهرني ببعض الامور ويقول لا تتوقعين اني بقلك التفاصيل وأنا بارده مايهمني وأم زوجي كانت تكمل تقول ماقلك زوجك كذا وكذا
مثلاً ماقلك إنه بيسافر الاسبوع هذا لانه قالها ماقلت لزوجتي وهي تجي تقهرني ...

وبصراحه مادري ايش كنت أحس فيه بكل برود اقلها لا ماقالي واذا جاء اقول أمك تقول بتسافر أبغى أشغل نفسي ذاك اليوم بعزم بنت خالي هههههه

اتوقع عرف إني أمره مايهمني ومع السنين تغير والله دحين يعطيني أدق تفاصيل حياته لدرجة أنه يفرح لما أقوله قولي بالتفصيل ايش سويت في سفرك والله قبل أمس يقول معقوله الي أسمعه منك تسألي عن حالي...
وسبحان الله أصبح يقولي أمور ويقول انتبهي لا تقولي لأمي...

ممكن برودي بداية زواجي لأني واثقه إنه ماوراه شيئ بسبب تربيته والبيئه الي عايش فيها أم صالحه وأب وأخوان صالحين وبيئه صالحه ولله الحمد

أو شخصيتي احب راحتي النفسيه واكره المشاكل وابتعد عنها قدر إمكاني...

أنا برأيي تتركي الايام تكشف لك اذا وراه شيئ ولا لا ...

وادعي ربك إنه يكشفه لك وحاولي ماتتكلمي معاه مباشره مثلاً لاتقولي وين بتروح ..'
لا قولي بتطول ولا أنتظرك للعشا

صدقيني الاسلوب هذا رح يجيب راسه شوي شوي بيقول لا بروح المكان الفلاني مابطول ..