اخي الله يسهلك امرك ومبروك الخطوبة ولو بعد سنة ونصف وعقبال الفرحة الكبيرة
رح قلك شي وممكن تنصدم
خالتي خطبت وكان عمرها 14سنة واستمرت الخطبة تسع سنوات لظروف المادة
وكان يشوفها وتشوفو بشكل يومي يزورها بيت اهلها
وحبهن كان كل يوم بيزداد اكتر وتفاهمهم على اكثر
والان صرلهن مزوجين تقريبا 8سنوات وما شاءالله عليهن وكأنو بيعرفوا بعضهن البارحة
اخي اذا من هلئ عم تفكر بالروتين والملل شو تركت لبعد 20سنة و30سنة زواج
بالعكس لازم من هلئ تحط براسك انو مع كل سنة رح يكبر اعجابك وحبك فيها ورح تثمر العشرة بيناتكن لشي اجمل وارقى واسمى ما في الحياة الزوجية
رح تكونوا شريكين عالحلوة والمرة في السراء وفي الضراء
رح تتشاركوا فرحكن وحزنكن ورح تكملو ا بعض
وقت تفكر بهيدي الاشيا ما رح تحس بشي اسمو ملل
وان صار بتسارع لتعمل شي جديد وتنعش حياتكن من اول وجديد
اخي كل فترة والها جمالها فترة التعارف غير فترة الاعجاب وفترة الاعجاب غير فترة الحب وفترة الحب غير عن فترة تكليل هذا الحب بالزواج
ووقت تكون بتحبها ومش مجرد اعجاب من شوفة وحدة فقط
رح يكون طعم شهر العسل اجمل واحلى
وهالحب ما بيجي الا لتسمع صوتها وتوصل لروحها وداخلها وتفهم شخصيتها وافكارها وتعرف سلبياتها وايجابياتها
وتتقبل السلبيات قبل الايجابيات

وهالشي ما بصير الا بالمكالمات او الزيارات
وبعدها رح تحس بطعمة الشوق اللي رح يزداد يوم عن يوم واللهفة ليوم الزواج
اخي هيدي حياة زوجية مش يوم ويومين بل عمر الى ان يشاء الله
فاتواصل مع خطيبتك لتكون متزوجها عن قناعة واعجاب وحب
افضل ما تفتح موضوع بعد الزواج طباعي غير طباع زوجتي ولا نستطيع التفاهم والحوار معدوم او زوجتي لا تفهمني وانا لا افهمها
اسأل الله ان يرزقك السعادة من حيث لا تحتسب
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه