المشاركة الأصلية كتبت بواسطة everything

الله اكبر عليكم يا بنات حواء

على طول نزلتو على الراجل انت وانت وانت وانت ولب لب لب لب

ليش ما تكون العله فيها حسبي الله ونعم الوكيل

لازم تعرفوا ان لكل فعل ردة فعل

اذا زوجتي تقابلني ببوز مترين ووجه عفريت
كيف تبغوني ابتسم لها والا اعطيها كلمه حلوه والا اتغزل فيها
غزال جني ياخذها ولا يرجعها

خليك طبيعي اليومين هذه لا مدح ولا انتقاد
وبعد يومين في جلسه هاديه افتح لها السيره
بداية اسالها ايش رايك في فترة سنين زواجنا كيف تقييميها
ايش اللي عاجبك فيها وايش اللي مكدر خاطرك فيها
ايش نفسك في السنين الجايه وايش نفسك كمان اللي ما يصير في السنين الجاية
وشويه شويه حتبدأ تفضفض لك من نفسها اللي بخاطرها ولا تقطع حديثها
وركز على الايجابيات اللي تحبها وعلى السلبيات اللي تكرها
وحاول بقدر الامكان انك تطلع معاها بنتيجه يعني لازم تخليها تتكلم وتطلع اللي في قلبها
وحتى ولو كان كلامها فيه اجحاد او نكران او تبلي استمع لها ولا تجادلها
وبعد ما تطلع منها الكلام كلو وعرفت الاسباب وفين مكان المشكله قدرت الان انك تحل نص المشكلة
والنص الثاني انك تحاول بقدر الامكان ان تضحي وتقرب وجهات النظر المختلفة بينكم بمعنى انك ترخي وهي ترخي
وما في احد كامل ولا تنتظر الكمال من احد ولازم ترضى بسلبيات الطرف الاخر حتى لو ما تحبها جامل وتجامل
وان شاء الله تحلوا مشاكلكم لوحدكم لان ما في احد يقدر يحل مشاكل متزوجان اكثر منهما صحيح نحن نقدم النصائح
ولكن يبقى الجزء الكبير والاهم الا وهو انتما ولا بد ان تكون لغة الحوار الهادئ هو اساسكما وان تقدموا تنازلات لبعضكما

والنقطه الاخيرة اللي حاب اني اوصلها لكما
ان العمر واحد والحياة وحده فلماذا النكد والكبت والترصد لبعضكما البعض
فليحاول كل طرف ادراج السعادة للطرف الاخر ويعرف الطرف الاخر ما هو الشيء الذي يسعده وكيف سيسعده
ولو على حساب انفسنا

ودمتم في حفظ الرحمن