مشكلتك اختي شائعة بين الأزواج وهي أن كل طرف يحاول يفرض رأيه ويجعل الطرف الآخر يمشي على هواه

أنا كنت مثلك أحاول باستماته اني أغير من زوجي وأخليه يخفف من طلعاته مع أصحابه لكن بدون فايده

كنت أخترع مشاوير من تحت الأرض عشان ينشغل عنهم ويقضي أكثر وقته معي أنا.. طبعا هو فهم خطتي.. في البداية كان يجاريني بس كان يتنرفز ويتذمر مثل زوجك بعدين وصل إلى مرحلة العناد و وقالها لي صراحة: "يا بنت الناس هذا طبعي وهذا نظامي عجبك كان بها ما عجبك مع السلامة.. أصحابي ماراح أقطعهم ولا راح أترك السهر معهم ولك علي في المقابل اني ما أقصر عليك بأي شي تبينه من مشوار وغيره"

طبعا جرحني بكلمته "اذا ماعجبك مع السلامة" وعصبت وقلت عليه كلام ومارضيت الين مااعتذر وحب راسي.. بس بعدها تركته براحته وعرفت ان العناد مايجيب نتيجة معه وأني لازم أقدم بعض التنازلات في سبيل ان الحياة الزوجية تمشي

اختي مرام.. لو زوجك لاسمح الله وصلت معاه وقالك مثل ماقال لي زوجي "لو مو عاجبك نظامي مع السلامة".. وش راح تكون ردة فعلك؟

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا