رد : * كيف أقدر اوقف على رجولي من جديد *
روح الطير
الله يكون معاك ويختار لك الخيرة الطيبة
انتِ فعليا وصلتي لقناعة ان وجود هذا الرجل في حياتك بيضرك انتِ والاولاد ما بينفعكم
او على الاقل ما بيكف آذاه و مايخرب تربية الاولاد
بما انه ماشي في نفس الطريق ولا تغير.. بالعكس يزداد خبرة في الاكاذيب والتمثيليات
وانتِ الام والاب واللي تصرفين وتقومين بكل أمورك بعيد عنه .. هو ايش دوره ؟
يستهلك ويستنزف تفكيرك ونفسيتك ويدمر مستقبلك لا سمح الله..
اللي مثله ما يحب يشوف الناس في خير .. يأذي نفسه وأقرب الناس له
وانتِ تقولين يعلم أولادك الكذب وأشياء سيئة .. وهم أطفال بترسخ فيهم هذي الامور
مدام قدوتهم هو اللي معلمهم.. هو بالضبط اللي تعلمه من أهله بينقله لأولاده
روح .. ربي سخر لك ان الصك يكون معاك وهذا شئ ما يحصل الا لما شاف القاضي
كمية الاذى اللي تعرضتي لها وتكون زي إبراء ذمة من القاضي ومنك انكم أعطيتوه فرص كافية لإصلاح حاله
وهو اللي ما استفاد ولا قدر ولا خاف الله في نفسه ولا فيك ولا في اولاده
انتِ قويه ماشاء الله وتعلمتي من كل التجارب اللي مريتي فيها معاه ومع الحياة كلها
استخيري ونفذي بدون تأجيل روحي المحكمة بدون مايدري...
عشان مايجهز اكاذيب جديدة ويستعطفك فيها .. من رحمة ربي ان الصك معاك عشان
ما تتعبين في قضايا ومحاكم من جديد في طلاق ولا خلع
خلصي أمورك بهدوء وبكتمان .. ولا تتواصلين معاه حتى لوحاول ..
قولي له كل شي انتهى وانت اخترت نهايتك معايه بأفعالك ..
الله يفرج همك ويكون معاك..
__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..
[IMG]http://im67.***********/mg87DX.gif[/IMG]
