مرة جبت شغالة اثيوبية ... ما كانت تعرف تشغل الغساله علمتها مرة مرتين مافي فايدة مو راضيه تتعلم ....يوم من الايام قلت لها حطي الثياب بلغساله كان تقول مدام انا خلاص قررت ما اغسل ملابس انت مو تقولي انا ماعرف خلاص انت غسلي الثياب بنفسك :0 :0 :0 قالت انا ابوي رئيس إثيوبيا فما اشتغل هل شغلاتتت الله الله ان كان ابوك رئيس اثيوبيا شجابك علي غير حظي السيء

ومرة شغالة كنت جايباها جديد قالت ابي اطرش فلوس علشان اهلي يشترون بقرة قلت لها شتسوون في البقرة قالت نعيش علي حليبها و نسوي لبن وجبن وانا كان والدي قريب متوفي فقلت لها فلوس البقرة انا بعطيجياه و قمت طرشت المبلغ ...بعد كم يوم تجي تقلي زوجي من قلتله ان هذه عن والدك المتوفي قال لا مستحيل نشتري فيها بقرة فقام جمع اهل القريه في المسجد وقرو الفاتحة و اشترو قات وقعدو يخزنون قات علي روح المرحوم (الي ما يعرف القات هو نوع من المخدر يستخدم بليمن واثيوبيا يسوي كيف ومزاج ) انا طبعا كعدتتتت اصييييح قلت لها بدال ما فلوسي جابت اجر جابت اثم
نفس الشغالة اتصلت علي ابوها وطلبت تكلم والدتها فقال لها امك ماتت اليوم الصبح طبعا الشغاله صادها انهيار وكعدت تبكي وتطك في روحها وانا كعدت ابكي وحسيت ان والدي توه متوفي وصادني حالة اغماء وانهيار وكعد زوجي يعطيني حبوب مهدأة وابر و عطاها هي بعد والجيران اجتمعو علي بكانا وانعاد عزاء الوالد في بيتنا ما تتخيلووو الوضع كامت شغالة جارتي اتصلت علي اخت شغالتي الا تقول لها امي مو ميته وهي تصرخ كذب تبوني اصدكم جيبوها اكلمها فثاني يوم الصبح الام تتصل علي بنتها وتقول لها مافيني الا العافيه بس ابوج قالج انا ميته لان يبي تطرشين الفلوس له هو مو لي وجات شغالتي تركض تقلي مدااااام امي عايشه مو ميته قلت لها صح والله مبروك لمي ثيابك وردي للمكتب مافينا شدة هل افلام ورجعتها .... الشغالات وجودهم عفسه وعدم وجودهم بعد عفسة