بتسالى عن الامور اللى تخلى الراجل ينسى الزواج التانى
هو لو الموضوع فى باله يبقى مش حاينسى .
ولو عايش فى مجتمع معدد برضه مش حينسى .
ولو سلو اسرته التعدد اكيد مش حاينسى .
انما ممكن نقول ازاى تخليه مايفكرش يتجوز .
لو انا بيتى عندى افضل من اى مكان تانى .
ولو قعدتى مع مراتى عندى احسن من قعدة اى حد تانى ,
ولو هى ماليه عنيه ومشبعانى .
ولو بتحترمنى ومش بتفرض رايها على .
تفتكرى ايه فاضل مش عندك حيدور عليه بره .
المهم ان مين اللى يحكم ان الحاجات دى متوفره .
اكيد مش انت .
هو اللى يحكم
لما يبطل يتكلم فى فى الموضوع ده ويبقى مش عاوز يخرج من البيت .
ممكن تكلميه ان الموضوع ده بيضايقك واسأليه انتى فيه حاجه مقصره فيها من ناحيته .
يمكن لما يحس بامتعاضك يبطل يستفزك بكلامه ده .