منتدى عالم الأسرة والمجتمع - عرض مشاركة واحدة - دردشات نسائية ...(يسمح بمشاركة النساء فقط )

01-02-2015, 08:38 PM

مهره

عضو المنتدى الفخري

تاريخ التسجيل: Aug 2003

المشاركات: 17,491

رد : دردشات نسائية ...

بونسوار يا بنات .. بنتاً بنتاً

.
.
.
روح..

شما مرت بهالمرحلة من كم شهر .. وأسوأ وقت تعمل فيه هالحركة لما أحطها في سريرها عشان تنام.

كنت أطلع من الغرفة .. ويسود السكون .. وأأمن إنها خلاص نامت .. ولما كنت أدخل أطلّ عليها بعد ساعة مثلاً .. أحصّلها بلبوصة في سريرها .. فاصخة كل شي حتى البامبرز.

في البداية لبّستها بنطولونات ماسكة على الوسط والجزء العلوي من الساق .. مثل اللغنز .. وما كانت تقدر تسحبهم على تحت وتفصخهم ... لكن بعد فترة قدرت عليهم وفصختهم.

بعدها رحت اشتريت لها البيجامات اللي تكون قطعة واحدة (أفرول) وتتسكر من جدام بسحاب .. وزين إني حصّلت قياسها .. فقامت تفتح السحاب .. قمت قلبت البيجامة بحيث يكون السحاب ورا .. لكنها غمظتني وكسرت خاطري حليلها لأن البجامة ما كانت مريحتها من ناحية الصدر والإبط وهي مقلوبة.

جننتني الله يصلحها.

تعرفين كيف حليت الموضوع في النهاية؟

كان عندها بجامات من البيبي شوب .. تعرفين خامتهم قطن وتمط شوي.

خليت خدامتي تخيط كل بجامة بحيث توصل القميص مع البنطلون .. كأنها أفرول يعني .. وتفتح فتحة من ناحية الرقبة من ورا .. وركبت فيها مشبك (هوك) .. بحيث فتحة الرقبة تكون واسعة لدرجة أقدر ألبسها البجامة من تحت .. يعني أدخل ريولها الأول وأرفع البجامة لفوق بعدين أدخل ايدها .. وأسكر الهوك وأضغط عليه بحيث مستحيل ينفتح إلا بمعرفتي .. وطبعاً لأنه مشبك ما قدرت تفتحه.

__________________

اللهم طِيبَ الأثر .. وحُسْنَ الرحيل.