المشاركة الأصلية كتبت بواسطة اهتمام

تدري ليش فاهمتكم زين ..
نفس كل شي يصير بحياتنا تقريباً
* شرهة عليك انك مسافر ومخليها ويمكن بعد ماذكرتها باتصال او هدية
صدقني يبي لك تفهمها ترا هي تتعب اعصابها من برودك وهي فاهمتك زين بس ماقدرت تتقرب منك تحس بينكم حواجز
تدري ليش تدفك هي تكابر تبيك تفرض نفسك وشخصيتك وتقرب غصب عنها وتنفذ اللي هي تبيه لو طلبت شي وماحصلته لا تظلمها ببرود اعصابك
قل لها وارسل لها كلام حلو ترا ياثر فيها من دون ما تقول لك بس عاملها مثل الزجاجة المكسورة لو غفلت عنها تجرحك ..
اعتقد تعاني من شي جواها فاقدة شي منك فاتمنى تزيل هذا الشي ولا تصير عنيد ولا تيأس هي ماتتمنى تفرط فيك ابدا لكن هي محتاجة وقفتك شجعها على انها تتخطى المرحلة هذي فهي شايلة عليك بقلبها وتغار من البنات اللي وسعوا صدورهم وانت ماديتك كذا ويمكن بعد لو طلعتها تمن عليها وتخرب كل اللي سويته هي تشوف انك ماسويت لها شي فلو تسافرون لو 3 ايام وتوسعون صدوركم ولا تدقق فيها راح تشوف تغير بحياتكم

هي تتقبل وتحب كلامك الحلو ولا تكرهه بس ماتعودت تستحي وتكابر
تنام بعيد عنك ووجهها مع الجهة الثانية .. حركات الحريم لما تتغلى تشوف انت تحب تقرب.. تشتاق.. تحبها .. تبي تحرك مشاعرك وتحس بالحب اللي بداخلك تكره برودك المسالة معقدة لكن هي ابسط مما تتصور بس تحتاج فهم وانك ماتكون حساس

زوجي مل مني لنفس اسبابك من دون مايفهمني مع اني اقول له وافهمه اللي كان في نفسي فما ابي مأساتنا تتكرر

الله يوفقكم ولا تنسون اذكار الصباح والمساء وكلما دخلت بيتك تعوذ من الشيطان وسم بالله عشان يبعد عنكم الشكوك والوساوس وعن بيتكم