متى اصير خبل؟
لما اكون قاعد بيني وبين نفسي واتذكر موقف ضحكني
واقعد اضحك بصوت عالي ، واخرتها استغفر الله واقول ماني صاحي

بالمناسبة لحد يسافر معي مسافة طويلة .. ما اضمن اخبالي بالطريق ..

***

اثنين لا اتابعهم
فلم الرعب والفلم المصري
تشوف بدايتهم تعرف نهايتهم ، والمصيبة انهم اثنينهم ينتهون بعلامات استفهام كثيرة
لكن كل ما اقول توبة ما بتابعهم!! يجبرني الفراغ عليهم ..

فلتزهبووو إلى الجحيييم << هذا فلم مصري بالفصحى (:

***

اشترييييت ثوب جديد شرايك فيه ..
الصراحة: التفصال حلو بس لو اللون افتح كان افضل
المجاملة: حلووو تلبسينة بالعافية
الوقاحة: هذا إستئجار ؟؟

هنا لاتصارحينها بوقاحتها من باب العتب ولا تجاملينها وتسكتين عنها!!
"الأنتي فايروس" لحمايتك من وقاحتها هو بكل اختصار انك تقولين لها "كولي تبن"

***

ابقولك شي بس تحلف انه مايطلع
ووالله لو انك ماتعز علي ماقلتلك ..
فلان بينك وبينة شي؟؟ لا ليه؟؟
الله يهداة يسولف فيك وقال كذا وكذا

^
نستفيد من الحوار السابق ان هالشخص صديق سوء

***

امر بمرحلة ملل لاتطاق وكأن ناقصني شي اساسي بحياتي
احيان احس ودي اكون طفل الكل يرعاني!! مادري وش سببة هالشعور
يمكن لاني عشت حياتي وانا ارعى كل من حولي لين استُنفذت مني كل طاقات الرعاية
لذلك انا بحاجة من يرعاني!! او بالاصح من يشحن فيني طاقة الرعاية من جديد ..

احس ان ودي يجيني احد ويقولي بالله ماتنثبر احسن ..

***

اسمع كثير عن أنفصام الشخصية!!
وهالمرض بكل اختصار معناتة ان الشخص يعيش بشخصيتين منفصلتين
وكل شخصية ماترتبط بالثانية!! لا بالعقل ولا بالذاكرة ولا بالروح!!
وكأن هالمرض معناتة ان اثنين ساكنين بجسد واحد وبشخصيات مستقلة

سمو بالرحمن

انا ياما شفت حريم قدام المرايا يسولفن على نفسهن وكأن فيه احد قدامهن يسولفن علية!!

تتوقعون للدرجة هاذي جسد المرأة لايقبل انه يسكن فيه احد ثاني!!
لدرجة ان هالمرض مالقالة حيلة الا انه يواجهن ولو عن طريق المرايا؟؟

الله يعين الرجال اجل (:

***

تصدقون مافيه هدية تفرحني!! مادري كيف اشرحلكم
احس كل ماتجيني هدية ماعرف احسس اللي قدامي اني مستانس فيها!!
يمكن لان كل الهدايا اللي تجيني مرتبطة بمناسبة لي!!
محد فكر يهديني من غير مناسبة!!

***

لك والا للذيب؟؟

لايوجهلك هالتساؤل من شخص يعتقد ان عندك قدرات خاصة

وقتها رد علية ولاتستحي وقولة

يمكن يخسي الذيب ويمكن اخسي انا

لانه احتمال كبير يطلب منك طلب انت تخسي فيه 100% فلا تكابر واتوهق (:

***

قبل فترة .. تقريباً من اسبوع
قررت اكمل نص ديني واشتريلي "لابتوب"

هههه احس جوي جو محشش

***

الاخ/ الاخت
اللي تسلمون علينا بسرعة البرق وماتعطونا فرصة نرد عليكم سلامكم

ياتخففون السرعة او تجيبون احد يترجم لكم بدلياتنا معاكم .

***

سنة 2015
يرحم امك لاتصيرين جاهل ترا هرمنا .. اضحكيلنا شوي..

__________________
استغفر الله واتوب إليه