المشاركة الأصلية كتبت بواسطة روح الطير

كوين

معليه سامحيني .. فضفضت كثير ..
لكن حاسة الأحداث هذه اثرت علي بشكل كبير
و الحمدلله نتائجها كانت إيجابية علي ..

و علمتني دروس بالحياة و اني ارمي كل شي وراء ظهري
الواحد ايش يخسر في حياته اكثر من امه و ابوه ؟
و بعدهم مافي شي يستاهل نزعل عليه غير الأبناء ..

عشان كذا
حتى لو شفت حركات من اهل زوجي ..

ما يهمني و لا احرق في أعصابي

.
.

انت اهم شي .. اعملي الواجب معاهم
و خلاص ..

لو ولعتي أصابعك العشرة لأخواته
برضو ما راح تعجبيهم

لانه الغيرة تاكل في القلوب

.
.

عندي زوجة اخ
دايما تهتم بنفسها ماشاء الله و انا شايفة انه هذا طبعها و هي كذا ..
اخواتي يفسروه شي تاني .. انها تبغى تقهرهم عشان تصير هي أحلى وحدة بينهم

كانت امي الله يرحمها تحبها
لكن اخواتي ابدا ما راح تعجبهم ايش ما صار ..

الحل !
( تكسبي الرأس الكبيرة بينهم )

شوفي اي وحدة من أخواته
تأثيرها كبير على امه و على البقية

امطريها مدح و مجاملات

كذا صارت تعمل مرة اخوي مع اختي
و من يومها خلاص ارتاحت

.
.

انا عن نفسي و الحمدلله

عايشة في عالمي ..
نفسي
بيتي
اولادي
وظيفتي

و ريحت راسي من كل شي ^_^