هلا فاطمة
برد على سؤالج حبيبتي
المصداقية عندي في امور مهمة جدا
1- السؤال الجيد عن المعدد
وتوظف البنت معارفها بالتحري عنه مو شرط تعتمد على اهلها فقط
اذكر مرة كان في خطيب لصديقة
ارسلت رسالة لاحد طلاب العلم الفضلاء وساعدنا كثير وكشف لنا امور كثيرة عنه ما عرفوها اهلها
2- اخذ الوقت بالخطبة وعدم الاستعجال
3- معرفة اسباب زواجه وتوجهاته
اختي الانسان يتضح من منطوقه وطريقة كلامه تكشف الكثير
فقط تحتاج مستمع متاني وتفكير ممعن في الموضوع
4- واهم نقطة هي ان ما يبخس البنت حقها
يوفيها حقها بمهر وبيت وكل شي
ما يعتمدوا فقط على كلامه جهزت بيت وهم ما شافوا شي !
اختي فاطمة انا مطلقة وعندي بنت
ولما تقدم لي زوجي اعزب
مافكر ابدا يبخسني حقي ويقول هذه مطلقة مالها مهر زين
والله مهري قريب من مهر البكر
وعرس وبيت وكل شي
هذا بالنسبة لي مصداقية كبيرة منه
وكذلك المعدد
ما يبخس البنت حقها
يعطيها مهر لبكر
وحفلة تليق بمستواها مثلها مثل بنات عمها وقريباتها مع تفاوت المستوى المهم اجتماعيا حفلة معتبرة
ويجيب اهله ويخطبها زي العالم وبالعلن
مو يقول انا كبير ومسؤول عن نفسي مثل اعذار بعضهم
والله ان ماجو اهله في الغالب ما راح يعترفوا فيها وما راح يكون الها اعتبار بينهم
ضرووووووري يشوفوها اهله في الخطبة
ويجيب ابوه واخوانه وامه وخواته
مثل اي خطبة
ويجهز لها بيت ويشوفونه محارمها :: والعوائل اللي تسمح البنت تجهز وتختار غرفتها واثاث بيتها
اما زواج تمشية الحال وتنازلات البنت وتصديق الرجل الاعتباطي مو بصالحها ابدا
الرجل اصدق شي يثبت جديته الاعلان ثم المادة
والله يوفق كل بنت
والله ما تمنى اي بنت يخدعها اي رجل تسول له نفسه
ولا تلوميني لاني انخدعت فاخاف على البنات الورود اللي نظرتهم للحياة كلها طهر ونقاء