رد : حدثنا عمّن أسعدك !!
اختي اللي اكبر مني ع طول
انا توظفت و صار عندي راتب عالي و هي لا
احيانا احس في خاطرها شي بس تستحي تطلب
ف مرة من المرات ارسلت لها مبلغ من المال
والله حسيت بفرحتها
و مرة ارسلت لها هدايا و لبس
والله انها طارت من الفرحة
و اشحن جوالها بين الفترة و الثانية
و دارت الايام و توظفت اختي و صار راتبها زين
وانا استقلت من وظيفتي
والله مرة كنا نسولف و قلت لها بعدين بتصل للبقالة انتظر الراتب باكر اللحين ماعندي رصيد و كملنا سوالف
و بعد ما طلعت عني ارسلت لي 50 درهم ع جوالي
والله دمعت عيني و دعيت لها اقول لها ما له داعي باكر الصبح الرواتب بس مارضت ترجعها
والله كبرت في عيني