رد : هل تنصحوني بالزواج في هذا العمر
يظهر أبوك مو بالصورة تمام بخصوص صراعك مع نفسك ...مفكر انك شفت حالك بفلوسك وتبي تتزوج لأنك حسيت نفسك كبرت ... خوفه أنك تترك دراستك لو تزوجت ..لأن بتكون تشتغل ومتزوج وحياتك كملت خلاص فممكن توسوس لك نفسك وليه الدراسه خاصة لو انضغطت .
أنت حاول تطمنه وتحلف له انك بتكمل دراستك مهما حصل وأنك ترددت لأنك كنت بين نارين وخايف من نظرة الحرام وبنفس الوقت حسبت حساب الدراسة وكيف ممكن توفق بينها وبين الزواج لكن زملاء لك مجربين طمنوك انها سهله وانك ما راح تتأثر بالزواج بالعكس بتستقر نفسيا وبتركز على دراستك وهم صار معاهم جذي وارتفع مستواهم الدراسي .
أسهب بالشرح عن الدراسه عشان يحس أنك فعلا حاطها ببالك ومو ناوي تتركها . واشرح له باختصار عن معاناتك .
وعليك بالدعاء أخي الفاضل ..تحين أوقات الاستجابة مثل قبل أذان المغرب يوم الجمعة وبعد قيام الليل
الله يوفقك ببنت حلال تسعدك وتسعدها
__________________
