-
تدرين وين مشكلتك تعطين لكن تتحسفين او تمنيين
ليش معيشه نفسك في نكد ومعيشه زوجك
انتي تقولين مايسأل عني ويوم سأل عنك قمتي تكابرين؟؟!!
تعطين وبعدين تذكرين أفضالك عليهه
بيسافر لاهله تقولين بيروح و مومهتم
طيب أنتي وش الي يعجبك وش الي يرضيك
اقتباس:
في هذه الفترة اشتريت سيارة لزوجي جديدة وطالبته بدفع اقساطها لي شهريا لمدة5سنوات.. وقبل يومين أهديته جهاز جوال وكانت الامور تمام..
بعدها تعبت وطحت بالفراش وماقصر وداني مستوصف خاص ودفع من جيبه ولما رجعنا قلت له اسحب المبلغ اللي دفعته من حسابي قال اذا احتجته بسحبه .. طبعا اليوم الثاني ماقدرت اداوم وداني مستشفي حكومي واخذت اجازة .. في الليل تعبت وقعدت بغرفتي اتأوه وهو ماجاء يسألني ويطمن علي .. اتوقع عشان مايضطر يوديني مستوصف ويخسر فلوس
|
قلتي له اسحب المبلغ بعدين تقوليين ماجاء عشان مايدفع
طيب زوجك يدري عن الي في خاطرك والا تفسرين الامور على كيفك
انتي عندك
سوء الظن بشكل فضييع ياماما ترا تاخذين اثام على غير فايدة
اقتباس:
|
قلت له برسالة جدد السيارة لبكرة عشان دوامي وبعطيك حقها .. قال ماهمك الا نفسك اجدد السيارة دوامك مسافة عشر دقايق ولا همك دوامي مسافة250كيلو .. قلت له كلامك يضحك ماني مسؤولة عنك عشان اشيل همك بالعكس انت المسؤول عني
|
بالله كيف بيهتم فيك دام هذا كلامك
الحل ياأختي اشغلي نفسك عنه
أجلسي معاه جلسة مصارحه باسلوب مو ترمين عليه كلام ماله داعي
لاتضحين كثير على حساب سعادتك
لاتعطين كثير اذا كان الي قدامك مايقدر هــا العطاء
اما بالنسبه للحمل احسني الظن بالله
((يَقُولُ اللَّهُ تَعَالَى: أَنَا عِنْدَ ظَنِّ عَبْدِي بِي وَأَنَا مَعَهُ ))
ولاتيأسين من روح الله
{ ولا تيأسوا من روح الله إنه لا ييأس من روح الله إلا القوم الكافرون}
عليك بالصدقه ثم الصدقه كل يوم لو ريال واحد
عليك بالدعاء اخر الليل
عليك بالاستغفار ألف مره باليوم وقسميها بين الصلوات بعد كل صلاه 200 مره