لا اعرف ان كانت كلمة " انتكاسة " توصيف حقيقي لما حصل...

بيتنا كبير مقسم 3 اقسام
جزء خاص بزوجي واعماله ، ومكتبته واستقبال ضيوفه ..
جزء لي
وآخر لأن ابناءه

بعد الغداء والنوم يذهب زوجي لقسمه الخاص
لإتمام اعماله ..
قبل الذهاب إن كان اليوم يومي يجلس ليشرب الشاي بعد الغداء والنوم ومن ثم يستأنف نشاطه في قسمه،..

بالاضافة إلى أن له نظام وجبات معين
فهو يلغي وجبة العشاء يومياً وينام دونها
إلا في حالات استثنائية يطلب مني تحضير شيء نحبه..

اليوم ظهراً ما تغدى معاي لأن يوجد لدينا مناسبة دينية ..
ولكنه بعد الغدى رجع ولم ينم ليعوضني بل جلسنا طويلاً ، و حين هم بالذهاب لإكمال اعماله الكثيرة
قلت له : تعشى معاي
قال : تعرفين برنامجي ، ومو من ضمنه هالوجبة ، وما احب تطلبين واردج ، لذلك جنبيني تأنيب الضمير في ان انا ارد لج طلب...

( صرت ألح عليه وألح وألح ، حاول يراضيني وما رضيت ، وما ابتسمت معاه ، حاول يلاطفني وانه ساكتة ووجهي مكفهر ، ومتضايقة منه )

قلت له : ما امن عليك بس اليوم انه ما كنت ناوية اطبخ ، عشان اروح ( المناسبة الدينية ) لكن طبخت عشانك أنت ، عشان لين انهيت الموضوع وياها ما تقول لك ان هي ما تطبخ وما تقبل تجيب غداء جاهز وتصير مشكلة بينك وبينها ، وعشان لا تعايرك بإن انه لين ما اطبخ انت تاخذ جاهز
و مراعيه ظروف انك بتطلقها ، لذلك مو حابه اضعف موقفك امام اهلها...
وقعدت في البيت وطبخت لهم ... وأنت عشان شيء بسيط مثل هذا مو قادر تلبي لي اياه ؟؟

قال : ما احب تقولين مثل هالكلام لأنه يؤذيني جداً ، وتشعريني بإن انج ماسكتني من رقبتي ... بس تذكري شنهي الاشياء اللي انا هم سويتها عشانج وانا ما عمري قبلت اسويها لاحد ، تذكري ان انا سنين ما تعشيت معاها ومعاج انتي احيان وايد اطلب منج تسوين عشان بس عشان اكل معاج
واحيانا ألغي نشاطاتي الاجتماعية عشانج وانا ما عمري سويتها عشان احد...
مع ذلك ، بضغط على عمري وبتعشى معاج

قلت له : لا بس خلاص ، ما ابي

قال : عصريتي ضاعت وشغلي متراكم ، قلت لج بتعشى معاج

قلت له : لا ، وباروح بيت اهلي ( زيارة ) وبرجع بعدين

تضايق جداً وقال : خير ان شاء الله

فتح الباب بيروح ، واغلقه .. وقمت ابچي ، سمعني و رجع معصب ، قال حياتي معاج مو طبيعية ، تبجين عشان قلت ما بتعشى هني ؟؟؟!!!
حاول يراضيني ، و راح ، بعدها رجع وشافني اشيل الورقة اللي فيها الوجه العابس والسعيد

تضايق .. وقال ليش ؟
قلت له دام بعد كل جهودي اللي اسويها وتشوف حياتي مو طبيعية ، شنهي قيمة هالورقة ؟!!!!

وطلع للمسجد ، واتصل قال اذذا رجعت البيت بطقج كف عقاباً لج وابي ارجع مزاجج حلو وما ابي اشوفج متضايقة ( موضوع الطق مزحة معتادة )


شرايج بموقفي ؟ وبالموقف ككل ؟
انتكاسة ؟