الم الحنين


يا قلبي ، خلاص تعلمي ..

- اللي يزعل ، خليه يزعل و يدق راسه بالحجر ..
- علاقاتك بالعمل ( خليها رسمية ) ..
- لا تقولي وحشتيني و لاشي ، هي تعدت حدودها و إنت علمتيها حدودها
- تعرفي صار لي موقف مع وحدة في العمل ( مع العلم أنا زمان كنت مثلك كذا ، مرة طيبة و حساسة و ما أحب أزعل أحد )
الوحدة هذه ، تجاوزت حدودها بالمزح .. و أنا رديت عليها بمزحة و دقة قوية أحرجتها ..
و ما اكتفيت بكذا .. ارسلت لها رسالة ( إنه ردها و تعليقها ما عجبني ، و لا تعيدها مرة ثانية لإنه ردي المرة الجاية ما راح يعجبها)

قالت لي ( اعتبرتك مثل أختي ووو إلخ )
مزحها كان بتريقة و سخرية أمام الموظفات عن شي يختص بأبو الأولاد و هي شي ما يخصها و لا عمري حكيت لها شي يخصني

رديت عليها ( إني اعتبرك برضو مثل أختي ، لكن في أي شي يخص أولادي أو ابوهم ،، لا تعتبريني أختك ..
و إنه حتى الأخوات فيه بينهم حدود ما يتجاوزوها ، و مثل ما أنا احترم حدودي معها ، هي برضو المفترض تحترم الشي هذا ..
و تعليقات بايخة مثل كذا .. تحتفظ بها لنفسها )

ردي قاسي مثل ما إنت شايفة ..

لكن هي جابته على نفسها ..
و عادي ، لما تقابلنا و لا كأنه فيه شي .. نسلم و نتكلم مع بعض و خلاص انتهى ..

ماله داعي إنك تظهري مشاعرك لزميلاتك بالعمل يا ألم الحنين
أمنحيها لأولادك ( فقط ) و لنفسك ..