مشكلتي :

هذا الوسطاني .. شاغل وقتي كله عشانه ..

بسببه و بسبب استفزازه لي .. اقصر مع اخوانه

.
.


مثلا اخرج كتب الكبير عشان اذاكر له ..
الا لازم يجي و يبغى يقطع دفاتر اخوه او يشخمط او يدعس الأشياء
او ياخد مراسيمه او يسحبني يبغى اي شي .. او يناديني أعطيه اي شي
و يرفض انه الشغالة تسوي له اي شي أبدا أبدا ..

الصغير كمان يصيح و يبغاني اشيله ..
كيف اقدر اذاكر للكبير !؟

أقفل الباب و ما اخلي الصغار يدخلوا ..
فيه غرفة مكتبة خاصة بي في البيت .. اخلي الكبير بس يجلس و يذاكر ..

لكن يجي الوسطاني و يدق الباب برجوله الله يعزكم و يصييييييييييح و يرمي نفسه
يعني افتحوا الباب ..

على طول يصيح .. كم مرة اقول له تكلم اول شي وًقول ماما ابغى كذا كذا ..
مو تصيح على طول !؟

هو لسى ما يتكلم غير كلمات بسيطة
لكن يفهم ماشاءالله