فجر، لو كل من سأل نفسه هذا السؤال كان ماشفتي هناك من حالتهم المادية رائعة، أو مثلاً أصبحوا تجار، ترى لو تشوفين كل التجار هذولا واللي لهم بنوك ومولات ويبيعوا سيارات إلخ..، كانت تجيهم فلوس زيك في البداية، لكن ماكانوا ينفقوها كلها بشهر أو بأيام معدودة، كانوا ينظرون لبعيييد، يستخدمون مايكفيهم حاجتهم وقتها أو متطلباتهم، ويوفروا الباقي في حسابهم لأن عندهم هدف بعد عشرين سنة، الهدف هذا أنهم يكونوا أغنياء، يقدرون يشرون بيت ملك لهم، يقدرون يدرسون أبنائهم في مدارس راقية، يقدرون يسافروا للمكان اللي يحبون يرحون لهم، يقدرون يعملون أشياء كثيرة، هم يعملونها الآن، لأنهم في الماضي وفروا بعض من أموالهم حتى كبرت، وأصبحوا ينفقون بعضها على مايحتاجونه أو يطلبونه، تخيلي لو كانوا ينفقون أموالهم كلها في ساعتها بحجة أنهم يبغوا يستانسوا، وبحجة أنه في أشياء بأنفسهم يبغون يلبونها ويستمتعوا فيها؟ هل تتوقعي أنهم الآن تجار ومرتاحين ومعهم أفضل الأشياء؟ بالتأكيد لا، راح تلاقينهم على قد حالهم وأول مايطلع راتبهم على طول ينفقونه حتى يجي آخر الشهر وتلقينه يتسلفون من قريبهم ولا صديقهم.
أيضاً أنتي ماتدري عن الدنيا وأحوالها، يمكن لاقدر الله يجي وقت تكوني بحاجة أنك تنفقي خمسين ألف ريال لأي سبب من الأسباب سواء كان جيد أو سيء، وقتها لن تجدي برصيدك مايوازي ذلك المبلغ، وربما اضطررتي إلى القروض والديون.

مافيه أحد يكبر ولايبغى فلوس، الفلوس عصب الحياة، والصح هو كيفية التعامل معها واستثمرها، كم ننفق في الشهر لأنفسنا، وابناءنا، كم نستمثر، كم نوفر للمستقبل، كم نتصدق.

فجر أنا درست بأمريكا أكثر من ثلاث سنوات، وكثير من شبابنا وبناتنا يعتبرون الأمريكان نموذج مميز من الرقي والكول واللبس، تصدقي ماعمري رحت لمول بأشهر المدن مثل نيويورك واشنطون لوس انجلوس سان فرانسسكوا سياتل، مالقيت بنت طالعة من المول ومعها أكثر من كيسة، وإذا الأكياس اللي معها كثيرة بس كيستين، وهذا نادر، تعرفي ليش؟ لأنه فيه شيء أسمه فن التسوق، ماذا أريد وماذا أحتاج؟ وليس كل ماوقعت عليه عيني وأعجبني أشتريه، فيه هناك أولويات واحتياجات، كثير جداً من البنات هناك يلبسوا عادي بل لاتستغربي إذا قلت لك أنهم يجون للجامعات ببجامات.

واسمحي لي أن أهمس بأذنك، وأقول أن الإنسان الذي يحتفظ بماله ويستطيع ادارته هو على درجة عالية من الوعي والإدراك والثقافة، وإنتي ستكونين إن شاء الله من هذا النوع.

__________________
ياصبحِ لاتِقبل !!
عط الليل من وقتك..