المشاركة الأصلية كتبت بواسطة الـــوحيد

1_ ابدا كانت نعم الزوجه بصراحه من جميع النواحي مع اني تعرفين الشاب اول زواجه يكون قاسي نوعا ماء خاصه بمجتمع مثل مجتمعنا يعني من كثر التوصيات لاترخي الحبل وخلك شديد وخلك وخلك وانا تزوجت صغير وماعندي خبره فـ طبيعي راح اسمع صوت اللي يدعون الخبره
ومع هذا كانت صابره محبه وحنونه وكل صفه حلوه موجوده فيها
بس لما انا عرفت ان الزواج مو هواش واوامر ولنت كثير عن اول ماتزوجت وكثرت اختلاطها باقاربنا الموجودين بنفس المدينه اللي اعمل فيها زادت عندها حالات المقارنه يعني ليش هم بيتهم كذا مثلا وانا لا ليش هم الذهب .. الخ من هالمقارنات لان اقاربنا الموجودين عندنا من اصحاب الملايين الله يرزق كل مسلم ويزيدهم فـ صارت تبي تكون مثلهم المهم كنت افهمها كل مره ان هذا ارزاق والله سبحانه هو موزع الارزاق وكان الموضوع ينتهي ويتجدد بكل زياره المهم كنا نتجاوز هذا الشي وعشنا ولله الحمدلله بسعاده على الرغم من بعض المنغصات اللي مايخلى منها اي بيت لكن الحقيقه بنت الحلال كانت متربيه نعم التربيه مااذكر انها رفعت صوتها
وكنا حتى بالاجازات اذا رحنا لاهلنا ونزلتها عند اهلها يومين وتتصل متى تاخذنا نروح بيتنا ماتبي تجلس
وبدا الامور تفلت شوي شوي وصارت تركز على شغلها اكثر وعصبيتها زادت وكانت اول ماتزوجنا تشارك في البيت حتى انها كانت معطيتني بطاقة الصراف تقول انا مااطلع الا معك ومااحتاج البطاقه وكنت اذا بغت شي تقولي اصرف لي كذا وماانكر ساعات كنا نروح لمحلات وتشتري حاجات للبيت وانا كنت بوقتها عادي يعني ماادقق فلوسي والا فلوسها ويمكن اكون غلطان بس هذا اللي حاصل لانها نفس الشي كانت تفتح محفظتي وتاخذ اللي تبي حتى وانا مدري او نايم وعادي الوضع وجتني مره وقالت عطني البطاقه فجأه كذا قلت طيب واعطيتها والوضع عادي عندي لان الحمدلله راتبي مكفينا وزياده وزادت العصبيه والغيره بدرجه لاتطاق وسبق اني تكلمت عن موضوع الغيره على الرغم اني حتى بعض القنوات مااحاول افتحها لان مثلا مذيعاتهم حلوين وعشان ماتصير بقلبها او تفكر اني فاتح هالقناه عشانهم اتجنب هالشي وحتى جا يوم اللي تكلمت عنه الطلاق والقصه سبق ذكرتها
ومن هذا اليوم وانا بعذاب

اما الشك نعم كانت تفتش بالاوراق وبعد ماطلعت الجوالات كان اذا جاني اتصال بدون اسم تقرب عشان تسمع هو صوت رجال والا بنت ومن هالحركات

اما الاعتراض هي معترضه على كل شي يعني اي شي اقوله لازم تعترض عليه
اما عن خواتي فـ حدث ولاحرج
كل مصيبه لازم اخواتي لهم ظلع فيها
لدرجة انها كانت حامل ومات الجنين قالت اختك فلانه هي اللي حسدتني وموتت الطفل !!

هي اصلا كل شي تسويه يكون للعمل ماعندي شغله طول اليوم الا لعمها بس
بالبيت تشتغل للمدرسه نطلع نروح اما لخطاط او مكتبه او محل هدايا للطالبات يعني كل شي للمدرسه بس
اما الشكوى يااختى اصلا مافيه مجال تشتكي
متى نتكلم عشان تشتكي اما تشتغل واما نايمه واما طالعه

كنت اطلع لمحلات قمصان النوم وخلافه اشتري اللي نفسي اشوفه عليها يجلس بالدولاب ولااشوفه