باحكيلك عن حياتي يمكن تستفيد
اول ما تزوجت قبل 10 سنوات كان راتب زوجي 3500 وعليه قرض زواج وساكنين اجار وماكان عندي غير مكافأة الجامعة 800
ما حسيت بهذيك السنين بالفقر اللي يوجع ما عمرنا جعنا او اشتهينا شي و ما قدرنا عليه ولا احتجنا لاحد اللهم في المناسبات كان يتسلف من اخوه ويرجعها ل

حاليا زوجي راتبه تقريبا 20 كل نهاية شهر يصير عالحديدة واضطر اصرف على بيتي وعيالي من راتبي عشان اغطي

ماحسيت بفرق في مستوى المعيشة لا من ناحية نوع السكن ولا مستوى اللبس ولا الترفيه

يمكن تستغرب زي ما الناس اللي حولي تستغرب ويحسون اني موظفة وبخيلة ما ادلع نفسي بقلوسي واسافر واشتري الالماسات والماركات

بس والله اعلم القروض اخذت بركة فلوسنا .. وغياب التخطيط والتدبير ضيعها

عشان كذا الالفين يمكن ابرك واخير من العشرين اذا كانت بيد رجال يعرف يخطط لحياته

وممكن جدا 2900 تكفيك انت وزوجتك لكن اشتغل على توفير مصاريف ماقبل الزواج
وهذا تقدير من عندي حسب معرفتي باسعار الذهب والاثاث وصالات الافراح قبل سنتين
المهر 50
الشبكة 15
زواج عائلي قاعة بسيطة مع العشا 10 الاف وللتقديمات والضيافة 4 الاف وبعض العوايل اهل البنت يشيلونه او يساعدون
شهر عسل بسريلانكا 10 الاف
غرفة نوم من البناء والعمار من 6 الى 10
صالة كنبتين من ايكيا مع الطاولات والستارة 7 الاف
المطبخ مع الغسالة والثلاجة والفرن 10
المجلس تفصيل من دايل شي معقول ومرتب مع الطاولات ب 6 الاف