مادام راتبك 6500 ، استقطع في البنك 4500 وألف وخمس مية خلها لمصاريفك الشخصية بما أنك ساكن عند أهلك، بعد سنة بيكون رصيدك قريب من 55 ألف، بعدها بيكون تقدر تأخذ قرضين مجموعهم 100 ألف ريال، تستطيع كذا تتزوج وتأثث شقتك، رغم أني ضد القروض، ولول قدرت تصبر سنتين يكون أفضل تكون بنهاية السنتين جمعت 110 ألف ريال إلى جانب الدعم المالي اللي تقول عنه راح يجيك ، وتكون مؤهل للزواج وتأثيث شقة بدون قروض ولا ديون، وراتبك وقتها صاير 7000 ريال، تعيش عيشة معتدلة وفيها مرونة كثير، ولا يكون عندك نقص مالي في حياتك الزوجية لو احتجت شيء ما زائد عن المصاريف الاعتيادية.

وترى سالفة أبي ولدي يصير كبير لاصار عمري 40 أو 50 هذا زمن الطيبين يوم العالم داجة ويبون عيالهم يصيرون سند لهم ويكدون ويشتغلون ويزرعون ويرعون ويصدون سمك أما الآن أسأل عن تقنيات التربية وعن وسائل التعليم اللي بيتلقاها أبنك مستقبلاً.

__________________
ياصبحِ لاتِقبل !!
عط الليل من وقتك..