رد : عادت زوجتي الى اخطائها السابقة
السلام عليكم
اخوي الوحيد .. الله يكوون بعونك وبعون زوجتك
وصدقني كل مشكلة لها حل .. بس انتو الاثنين خلكم مرنين شوي
اجوفك زعلت من الاعضاء رغم انهم يحبون لك الخير واهم ما كتبو وخذو من وقتهم الا عشان يساعدوك في ايجاد حل ...
ملاحظة : زعلك وقرارك بالطلاق بهذه الطريقة يعطينا مؤشر كبير بان عدم المرونة صايرة من صوبك انت وليست زوجتك .. اتمنى انك تتقبل رايي بدون زعل
............
انا قلت رايي في موضوعك السابق وانت زعلت واعتبرت هالشي وقوف بجانب المرأة لانها مراة !!!
بس عشان الاخوة اللي بينا انا بعطيك تفصيل عن وضعي... عشان يمكن تفهم وجهة نظر زوجتك :
انا الحمدلله متزوجة وموظفة وام عيال وعندي شغالة
في بداية زواجي .. انا حريصة على الواجبات تجاه زوجي وما عندي مشكلة اخذ شغالة او لا بس زوجي كان وااايد مشدد في الطلعات ( احنا نمشي سيارة .. مو مرتبطين بسواق) وابدا ابدا ما في ولا طلعة بدون استئذان ومو كل مكان يقبله زوجي
الحين بعد سنوات وزيادة الاعباء والاطفال خلااااص ما فيني حيل
تعبت ( كتبت موضوع سابق عن عدم قدرتي للاهتمام بعيالي)
وطبعا قضاء المشاوير صرت نفس زوجتك .. اموة في المكان وانا قاصدة
والطباخ الشغالة ما تقصر ...
ونسبة الاهتمام بعائلتي قلت بسبب زيادة المسئوليات ..
انا مو الة ... والانسان قدرات ... في حريم يقدرون وفي لاااا
موقف زوجي ( اخيرا بذكر ايجابياته) : زوجي مرررررن جدا معي ودايما يقولي انا عارف انك تعبانة ومستحيل اي واحد يقدر يغطي هاي كله ..
(الصراحة احيانا يلومني) بس في الاغلب واقف معي وما يتذمر مني .. ويحاول يوجهني بطريقة غير مباشرة ..
موقفي *انا * : انا يا اخي الوحيد .. صرت احس بتأنيب ضمير واحاول قدر المستطاع
بس صدقني لو زوجي وقف ضدي انا بنهار ولا اقدر اكمل معاه .. بحس انه ما يحبني ولا يقدر تعبي وما بحس بالامان معاه ..
المهم الحمدلله في توافق مع زوجي في هالنقطة ..
انت تذكرني بصديقتي ... زوجها مثلك بالضبط .. يعاملها كأنها ربة بيت ... اقولها انتي المفروض في البيت ما تشتغلي ... مؤخرا قالت لي انها صارت ما تطيق زوجها لانه يكلفها باشياء فوق قدرتها .. وانه ما يحس فيها ..الخ
واللي يقول خلها تترك العمل : خلكم واقعيين ... طلقها مرة .. ورجعها لبيت اهلها .. وتترك العمل !!!!
اصلا اهلها ما بيرضو حتى لو هي غلطانة مئة بالمئة