اشكر جميع من شارك وابدا رايه في الموضوع وحاول يحل مشكلتي

الحقيقه شفت ان الموضوع تحول وان اللوم صار علي من بعض الاعضاء باني ماني معطيها حريه واني لااثق فيها ومن هالكلام
والحقيقه عكس ذلك تماماً
اولا انا لو مااثق فيها كان ماخليتها تطلع مع السواق ابدا كان انا بنفسي اوديها بمشاوريها الضروريه واجيبها وغيره مافيه طلعه

وبعضكم تناول الموضوع بشي من البساطه او انه يحاول تبسيط الامور
يااخوان الموضوع مو مثل مانتم تتكلمون عنه
الموضوع انها تكون مقرره انها تبي تروح للسوق مثلا تقولي ابي اروح للسوبر مثلا وهي اصلا مقرره انها تبي السوق يعني مو على طريقها او انها تبي تستغل الوقت مثل ماتفضلتوا

مثل قبل كم يوم انا سامعها وهي تقول للشغاله انها تبي تروح للسوق
وجت تقولي ابي اروح للصيدليه هذي وارجع ولما جت فعلا كانت رايحه للسوق

طيب وش فيها ابي افهم اذا قالت ابي السوق ليش الكذب

اما اللي يقول ان المفروض مااخذ مدرسه اذا ابي وحده تطبخ يعني كل المدرسات مايطبخن اكيد لا

على العموم انا احترم رايكم جميعاً وكلامكم على عيني وراسي ولكن يمكن تربيتي غلط اللي تربيت عليها ان المراءه ماتطلع الا وزوجها عنده خبر الخ من هالتربيه القديمه اللي يمكن ماتوافق العصر اللي حنا فيه

وبصراحه فكرت كثير في كلام كل الاخوان والاخوات ولقيت ان وضعنا لايمكن يستمر ولا اقدر اتحمل اكثر
ومثل ماتفضلتوا يمكن العيب مني انا وانا اللي ماانفع زوج

فـ قررت قرار نهائي ان شاءالله اني انهي هالوضع جذرياً وكل واحد يروح بطريقه

الف شكر لكم جميعاً