انا ما رضيت اشارك هنا ابداً مع ان مشكلتي نفس مشكلة زوجة الاخ الفاضل ، واعاني كثيراً لدرجة احرم نفسي !!
مثلاً : ما احب اطلع معاه ولا يوديني مشاويري لكني مكرهه ، لدرجة الحريم يفرحون اذا جابوهم وودوهم ازواجهم لكن انا العكس ، ولاني العكس حتى مشوار العمل مو راضي احد غيره يوديني ، فاشعر بالاختناق !!
اذا حبيت اهرب من سيطرته قلت له ابروح " ابو ريالين" قريب من بيتي واروح مشي ، لما اخلص من المحل امر الصيدلية او العطارة او ممكن البقالة يعني المحلات اللي جنبه، لما ارجع يهاوش ويخليها سالفة لانه المفروض ادق عليه واتصل استاذن منه في دخول المحلات الثانية لاني قلت " ابو ريالين" فقط
وش شعوركم لما تكونون محاصرين بهالشكل
انت مثل زوجي خانق زوجتك خنق
الدنيا بسعه، وخلها تحس بحريتها شوي وتروح وتجي وتحس انك تثق فيها !
والله ان عطيتها مساحة حرية وثقة ان تعلمك وتفضفض لك بكل شي
وان خنقتها ثق انها بتسوي الشي من وراك
ابي مساحة من الحرية ، ابي انسان احسه يثق فيني يدري ان متطلباتي واغراضي كثيرة
لو انك سالتها وش سرت من السوق وسولفت معها ، لو قلت لها مو ضروري تستاذنين في كل مرة لاني اثق فيك لكن عشان ارتاح وينك فيه ؟!
تراني مخنوووووقه جدا من زوجي ، ما عطاني متنفس ولا حرية ولو شي بسيط وانت مثله
اسلوب تسلط وحب سيطرة وماحد يحب سجانه