أخوي أنا ما أنكر استئذان المرأة من زوجها أمر واجب شرعا،
ولا أبرر لزوجتك خروجها لمشاوير بدون إذنك،،
لكن حابة أوضح لك شي عن حياتي ربما يغير من طريقة تفكيرك ونظرتك للأمور
بحيث تقدر تتعايش مع هالمواقف وإنت مرتاح،

كنت في أول زواجي أستأذن زوجي على الصغيرة والكبيرة،وأخبره بكل خطواتي،لأنه
كان كثير الأسئلة وكثير النقد،وعنده قوانين،

لكن الوضع تغير صرت لما أروح مشوار أستغل خروجي من البيت وأقضي
باقي مشاويري بدون علم زوجي،وإذا رجعت البيت يشوفني زوجي ومعي أكياس
وأغراض غير المكان اللي خبرته بروح له،،في البداية صار يتضايق
لكنه بعدين تعود..

يعني أقول له أنا رايحة السوبر ماركت ، وإذا خرجت من الماركت،وفيني
نشاط أروح للسوق،أمر الصيدلية،أروخ مخابز الحلويات....الخ
ياخوي البيت له طلبات والعيال لهم طلبات وشغلي له طلبات، لو بخرج كل يوم
أقضي مصلحة والله زهق وضياع وقت،،وراح يسميني زوجي
خراجة ولاجة كل يوم عبايتي على راسي،

لكن مع العشرة والسنين ووجود الثقة برأيي وتفكيري وبعد ماشاف
إني ولله الحمد أهل للثقة أعطاني حريتي التامة،،خاصة هو شخص كسول.

طولت عليك ياخوي بس انت ادرس ذهابها للمشاوير بدون علمك من زوايا أخرى
يعني لا تركز كثير على الإستئذان،،،

الله يفرج همك ويلهمك الصواب.