للحياة أمل هلا بك .. ومشكوووره كثير على ردك الرايق المريح ..
والله الحمد لله ما أمدح عوايلنا بس من فضل الله فعلا محد يتدخل في حياة غيره
وعايلة زوجي ناس ينحطون ع الجرح يبرى يشهد الله ماعمري شفت منهم شي سيئ
غير كذا بناتهم 2 متزوجات اخوان وحياتهم من أحلى مايكون وحاليا يبون الثالثه يزوجونها لأخوهم الثالث ..
أكيد طبعا يصير فيه مشاكل لأن مستحيل الحياه تكون مثاليه 100 بالميه بس لما تصير بين زوجين هنا الكل يمسك حدوده ولا يتدخل ابدا ..
وبصراحه انا اشوف قصص في هالمنتدى واحمد ربي ليل نهار لأنه فعلا في قصص مخيفه خاصه عن ام الزوج واخواته .. وانا الحمد لله ام زوجي وخواته من اروع مايكون ولا عمرهم تدخلوا في حياتي ومشغولين بحياتهم ان جيتهم ضيفه شالوني ع كفوف الراحه ومعامله ولا أرقى والبنات كأنهم خواتي .. ولا تقولون لأنك ما سكنتي معاهم والله اني كنت اجلس عندهم بالاسابيع وانام مع البنات بغرفتهم اذكر ايام كانت بنتي عمرها شهرين وكانت طول الليل تبكي وماتخليني انام .. قسم بالله ياعالم ياخذونها ويطلعون الصاله ويتناوبون كل وحده ساعتين ويعطونها الحليب ويغيرون لها البامبرز ويقولون لي نامي للفجر .. كل ليله ع هالحال يخلوني انام الليل وهم دوريات ههههههههههه .. اسأل الله انه يسعدهم دنيا واخره ويشهد الله اني احبهم من كل قلبي ..واعتبرهم اهلي ..