اصلا لو ما شاف ضوء اخضر ما كان طلبها شئت ام ابيت والا وش طرى له اختك بكر واصغر منه
الا بالتلميحات وذكرها وسيرتها في وقت غير مناسب وافهمها يا شاطر
كيف يتجرأ اصلا يطلبها الا انه وجد ترحيب وجس نبض وانه عادي عندها والا ما كان هذا تعلقها
وان كان المعنى البعيد الخوف من العنوسة بالرغم من اننها صغيرة لكن لو خيرت بين اثنين تقدمو لها بنفس الوقت اعزب او مطلق لاختارت الاعزب
كل الرجال يقلون كذا ما راح ارجع لطليقتي وفيها وفيها والعيال عند امهم
وغالبا المطلقة اذا تطمنت على العيال بزواج طليقها حتى لوما تزوجت ترسل عياله وبعدين اختك هي تتهنا بهالزواج او تتحملهم ويربط رضاه برضى عياله عنده

وسالفة حتى امها تقول الله لا يلومه يا كبرها عند ربي في ام ضد بنتها انتو مالكم خص فيها
ارجع واقول البيوت اسرار ياما بيطلعو وياما بيقولو مستحيل مافي بهارات ولا زيادة كلام وتشويه سمعه

كل هالمقدمات عشان يتزوج باي ثمن ولو يتنازل عن عياله لكن ما بعد الزواج يرجع الحنين
عشر سنوات مب سهلة ويمكن عياله يرجعونهم لبعض ويمكن بينهم مرض روحي بيرجعون وبقوة ويكره اختك وتطيح براسك ولا تنسى مبادرتك حتى لو ما سويتي شي بتظل اختك

وليه اختك فرص الزواج عندها معدومة 27 ومعدومة يالله بنات على 36 وعندها امل باعزب
و لانكم حطيتو هذا الشي ببالها تبي تتهرب
بالعكس العمر قدامها وتاخذ اعزب تربيه وتتربى على يدينها او مطلق او ارمل بدون اطفال تضع قدامها شروطها ونصيبها بيجها

غير انت ما ترضين سلفتك تزوج اختها لزوجك مهما صار وترضين لو يتزوج من برى ولا اخت سلفتك
وزواجهم بيقطع امل الرجوع والاهم بتزيد المشاكل وبتطولك انت
وممكن بتجي بينك وبين اختك مقارنات بين زوجك وزوجها
و زواج الاخوات من الاخوان لابد من ارتباط في المشاكل ودوام الحال من المحال

يتزوج قلعته لكن مو من طرفكم ::

ومالحب الا للحبيب الاولي وما راح يعرف قدر طليقته الا بزواجه الثاني لكن وش ذنب الثانية تكون ضحية
عزباء ارحم من مطلقة