الله يسعدك جمانه وانا حبيتك اكثر ،،
تعليقاً على كلمتك ان زوجك قلبه اسود
صدقيني قبل زواجي كنت انا واختي بغرفه وحده ودايما نختلف وهي جافه وغامضه ومستحيل تعتذر مثل زوجك
بعكس طباعنا انا واخواتي ،،
بس تصدقين لما صارحتها وحققت معها
عرفت ان مشكلتها : قلة ثقه بذاتها + خوف من رفض الآخر للاعتذار واحراجها بذلك
وهي بطبعها خجوله ولو لم توضح ذلك !
احبك ... ترى مو عذر هالطبع
زوجي مختلف من هالناحية
انسان جداااا واثق من نفسه تبارك الله ( اكثر صفة اتمنى عيالي يورثونها منه)
زوجي يعرف 100% اني مستحيل ارده ههههههه ( عجينة يده )
لكن صدقيني هالنوع من البشر ان وقعتي لن تجدي احد يقف معك مثلهم ،، صادقين جداً ،،
فعلاا .. كلامك صح .. وما انكر هالشي في زوجي
لكنهم لا يعبرون ويفهمهم الاخرين خطأ ،، بسبب مظهرهم الجاف وقله اهتمامهم بمن حولهم ،،
وظهورهم بمظهر القسوه ،،
صارحيه من فتره لفتره ،، واعطيه الأمان ،، صدقيني هو خايف من رفضك لاعتذاره ،، او يخاف ان هالشي يقلل من مكانته ،،
ياما وياما ... بس خلاااص كبرنا على هالسوالف
تعبت وانا اعلمه
لا والله هو مو خايف من رفضي .. هو مشكلته العناد و اعتقد انه يشوف انه مو حلوة بحقه كرجل يعتذر والله اعلم 😣
وضحي له ان الرسول يعتذر والصحابه يتلطفون مع نساؤهم فهل هم ناقصون ؟ حاشاهم والله
بس ترى هالنوع من البشر تغيره بطيييييييء ،، بس يتغير والله يتغير
مع المصارحه ،، وسلوكك الطيب ،، واخباره انك قادره تتصرفين مثله ولكنك تريدين الخير لكما
والحياة اخذ وعطا ،،
وانا مجربه مع اختي دايما افشلها اقول لها الله يعين زوجك اذا تزوجتي hh
اي احبك انصحيها ... هذا انا بالمسايس والدبلوماسية وال .. وما جبت راسه
ترى فعلا .. اخت زوجي نفس اخوانها صعبة صعبة .. توها متزوجة ما صار لها شهرين بس اسمع انها ما تغيرت في اسلوبها وزوجها متضااايق وكلم ابوها
الله المستعااان
ههههههههههههههههههههههه
لانها جافه مثل زوجك بس والله اعماقها نظييييف واذا حبت تحب بعمق وضميرها حي وماتجامل ابداً
تعاملي معه بضمير وحب ،، وطالبيه بذلك من فتره لفتره ،،
باذن الله يتغير
بس حبه حبه ،،
مثل ماقلت لك تغيره بطيء بس مو مستحيل ،،
واختي تغيرت شوي والحمد لله وصارت تتكلم كثير وتعبر شوي عن مشاعرها تقدمت شوي مع تشجيعي الدائم لها واحيانا اتهاوش معها هههههههه
حطي في بالك ان تغيره بطيء لكنه ممكن
وابدأي
ربي يسعدك ويهنيك دنيا واخره ،،
