حبيبتي شوك قوليلي شو اللي بخاطرك حتى اكتبو

جمانة حبيبتي ذكرتيني بزوجي
ترى الرجال كلهم عندهم حركات مشتركة
صحيح زوجي بيعرف يحكي حكي حلو بس عقله صعب
بس انتي الحلو بزوجك بيقلك المرة الجاية براضيكي
يعني النية موجودة
بس انا زوجي ........ و لا تتعبي تقنعيه انو أصلا هو غلطان
يعني بعد ما يكون زعلني ... و انا طبعي حساسة
لما روق شوي بروح بكلمه
كيف تاركني زعلانة و قاعد لوحدك و اخذ موقف كمان
و الله يا جمانة ساعة و أكثر بس اشرحله انو انا اللي لازم أزعل مش هو ..... شي متعب بصراحة
ممكن بعد ساعتين أو أكثر ههههههههه ساعتها ممكن يتأسف ببوسة ... بحضن ... بس انو يقول انا أسف ههههه او انا غلطان ... ولا تحلمي ...
و بالنسبة لكلام الأخت اللي قالت الحديث اذا انا رايتك غضبتي راضيتك و اذا انت رايتني غضبت راضيتني
كنا متفقين على هيك بالأول
بس ما بدك يقتنع أنو أنا على حق في غضبي انا
دايما هو اللي على حق و ما في اصعب من اقناعه
و ما في أكتر من زعلاته و مواقفه

يعني حبيبتي جمانة بالمختصر اللي بدي قلك ياه
كلنا بالهوى سوا
الحياة الزوجية بدها كتيييير تنازلات و تضحيات و ما بدها تكبير راس
يعني اذا هو عن جد بيعترف انو غلطان بس مش قادر يراضيكي راضيه انتي وين المشكلة و لا تعكري مزاجك
صحتك غالية و وقتك لا ترخصيه و سعادتك اثمن من انو تضيعيها بمشاكل قادرة تاخدي موقف فيها و تنهيها بايدك
انا أخدت هيدا القرار من كم سنة و ارتحت
راضيه انتي و لا تنامي زعلانة و احتسبي الأجر عند الله
صدقيني ما في شي بيضيع عند الله
خلي أعصابك دايما رايقة لتقدري تعالجي المشكلة و انتي مرتاحة
يعني خففي كتير قهوة و شاي و اشربي بابونج

__________________
أبسط شيء في الأناقة نظافة قلبك