رد : هل يحق له حبسي في فترة العده ؟
اقتباس:
المشاركة الأصلية كتبت بواسطة RAOUF&RANA
تقريبا ميرا قريت المشكله دى ويمكن رديت عليها ..
انما مش دى القضيه .. هى بتشكر فيه وفى طباعه الا هذه الخصله وهو مش حايتغير ولو انه لو بيحبها بجد لازم يتغير ..
مادام مافيش قبول مش لازم يصر عليها .. ماعلينا هى مشكلتها وهى حره انما انا مستغرب موقفه ..
يعنى ايه حايصرف عليها بعد الطلاق وبصفة ايه ومافيش اولاد بينهم .. هو مصلحة شئون اجتماعيه ؟
اللى اعرفه عاوزها وبيحبها يتمسك بيها ويتخلى عن اوهامه ولو مش عاوزها يسيب البنت فى حالها ولا يعنى لو اتجوزت غيره حايكمل كرمه ويديها البيت ويظل يصرف عليها ..
ربنا يهدى .. |
الراجل كويس يا خالو .. أيوه ممكن يطلقها مدام شايف إنها مش هتوفر له اللي هو عايزه .. لكن مش معنى كده ينتقم منها ويسيبها تتبهدل في الدنيا وهو عارف وشاف بنفسه قد ايه عمها إنسان سيء!
فاكرة في موضوعها السابق انها استشارت محامي واقترح عليها تجيب تقارير طبية من أكتر من مستشفى وبعد ما تتخرج ترفع قضية لطلب الطلاق .. والبنت ضميرها ما سمحلهاش تغدر بيه بالطريقة دي رغم عظم ما يفعله بها!
اللي انا شايفاه انهم هم الاتنين كويسين .. وصاينين العشرة .. ومحدش فيهم قادر يأذي التاني.
لكن سبحان الله الحلو ما يكملش!
__________________
اللهم طِيبَ الأثر .. وحُسْنَ الرحيل.