انا ما قلت هذا الكلام له ابدا ..

لكن مستحيل اترك شغلي عشان رجال

الرجال مالهم أمان

الشغل يكفيني و يعزني و يحفظ وجهي عن الحاجة للغير

كم وحدة صابرة على بلاوي زوجها و تتمنى موته عشان تفتك .. و مو قادرة تتطلق من عنده لانها راح تلاقي عمرها و عيالها عااالة على ابوها الشايب الكبير

او زوجة اخووو تأذيها و تسوي مشاكل مع زوجها عشان وجودها

فتضطر تتحمل اهون الشرين

انا ارجح بقائي بالعمل مع محاولة التوفيق اكثر

و للمعلومية انا ذكرت سابقا .. ان الاسبوعين الماضيين تعرضت لضغط كبيييير بالعمل و بطلب مني .. لان عندنا بالبيت صارت ظروووف قاهرة تمنعني من العمل بداية الشهر فطلبت ان مناوباتي تتجمع آخر الشهر .. و قبل ما اقدم هالطلب جلست معاه و شاورته و اخذت رايه و قلت له راح اكون حيييل مرهقة و مشغولة فاحتاج عونك .. قال اوووكي

و كنت اخذ مناوبة كل ثالث

لكنه ما تحمل يطبق الكلام اللي وافق عليه .. بالرغم اني ارجع البيت و ما انام الا قليييييل جدا باعتراف منه اني ما انام

و ارتب ولده و اغراضه و اغسل ملابسه بحكم طفل صغير دايم يوصخ

و اطبخ له عشاه و اجهز له غدا اليوم الثاني

و كله طبخ صحي و بمعايير محددة لاني انا المسؤولة عن اكله و حساب السعرات الحراربة في نظام الريجيم تبعه

و المفروض كمان اني ادرس .. لان شغلي هذا كمان هو دراسة و فيه نجاح و رسوب

و انا والله العظيم ما يمديني افتح كتاب

و انظف اللي اقدر عليه .. ما يجي الليل الا اتروش و انسدح عشان اموووت

و كمان
لكن لو طولت فترة .. و انت ما تبادر ابدااا لازم انا اللي ابادر .. ارحم شوي