اقتباس:
المشاركة الأصلية كتبت بواسطة روح الطير
سامحيني لأَنِّي كل شوي أتكلم عن حالي ..
سيدة الموقف ..
انا اكتشفت العيب المشترك فيهم .. و صدقيني ما تخليت عنهم و لا راح أتخلى أبدا ..
( الانانية ) ..
تعودوا انهم ياخدوا .. و انا و اخوي الكبير تعودنا اننا نعطي ..
السبب /
أمي الله يرحمها عودتنا انها تعطي تعطي تعطي و نحن ناخد ..
عشان كذا ؛ أمي وقت مرضها .. كانت تحبّني اكثر من البقية ..
لانها دخلت بمرحلة انها ( توقفت عن العطاء و ترغب بالأخذ و بحاجة لنا .. لكن عزة نفسها و كبرياءها يمنعوها )
اخواتي كانوا يجوا عند أمي وقت صحتها ..
لكن وقت مرضت .. كانوا يتجمعوا مع بعض اي مكان المهم مكان يتونسوا و ينبسطوا فيه مع بعض
انا كنت اترك اي جمعات و اروح اجلس مع أمي في بيتها .. الاقيها جالسة لوحدها ..
كنت اجلس معاها و اشوف ايش تشتهي آكلات من برة
ايش تحتاج و ايش ناقصها !؟
تفضفض لي .. تتكلم عن ذكرياتها .. مع العلم انه أمي غامضة و كتومة و قاسية
عشان كذا كنا نجلس سوا انا و هي نتكلم و نهرج عن اي شي ..
و اخواتي يحسبوا اني اجلس معاها عشان احشششش فيهم من وراهم
مو عارفين ايش السر في تفضيل أمي لي و خاصة بفترة مرضها !
.
.
على فكرة
كنت - بسبب حسن نيتي و هبالتي - احسب وقوف زوجي معاي و مع أمي وقت مرضها
( دين برقبتي و جميلة لزوجي )
لكن هذه من الأمور الي اكتشفتها ايضا من مراوغاته
|
يالله ياروح
قلبي معك
تكلمي الصفحات كلها لكِ
فيكِ كثير من طباعي
زوجي كنت أشوف أي شيء منه لو قليل شيء عظيم جداً وكأنه جميل متفضل به علي
تنازلت تنازلت في حياتي كثير حتى نسيت نفسي وصار شغلي الشاغل كيف أسعد الآخرين
أمي أخواتي أخواني زوجي وأهله لا أستطيع أن أرفض طلباً لأحد
أم زوجي وأخواته كنت معتبرتهم نفس أمي وأخواتي لايمكن أشتري لأهلي شيء وهم لا
حتى حركات النسوان والغيرة كنت ما أعيرها أهتمام وماشية بنيتي بينهم
بعد ما حصل الإنفصال تفاجأت بناس كثيييييييييير
أكتشفت أني بالنسبة لهم لم أكن أخت بل مجرد غريبة داخله بينهم
كنت مستغربة ناس كثير قبل طلاقي تتجاهل مناسبات مهمه بالنسبة
لي وما تهنئني ولاتبارك لي كنت ألتمس العذر لهم وأقول كل إنسان وظروفه
لكن مؤخراً كل الأقنعة سقطت ابتداء بزوجي وانتهاء بأمه وأخواته وحريم أخوانه
يالله قد أيش كنت ثقيلة على بعض القلوب رغم نقائي معهم وسلامة نيتي
معليش ياروح على قولة أمي إلي عند ربي مايضيع
__________________
" اللهم اجعل لي فرجا ومخرجا , ودبرني فإني لا أحسن التدبير "
*
شوك أحبكِ في الله
فكوني قوية وابتسمي لتبتسم الدنيا