رد : (مميز) زوجة معدد؟ ...... تفضلي
اقتباس:
المشاركة الأصلية كتبت بواسطة RAOUF&RANA
لسه بدرى ليه ؟
ده احنا حطين املنا عليكى فى الاوليمبياد ..
ده انتىالقدوه والمرجع الوحيد لينا فى الموضوع .. والله لسة محتاجة تمارين يا خالو.
اقولك قصتى مع التعدد
نويت اعملها مره .. وماكررتهاش ..
الاولاد عرفوا وامهم
ماتعرفيش دخلو على الميل بتاعى ازاى وغيرو الباسوورد وراحو باعتين ليها رساله لو هى نزلت مصر حايشوهو وشها بمية النار وحايحطو السيخ المحمى فى صرصور ودنها ..
البنت ياعينى اترعبت وقالت انت جايبنى عشان تبهدلنى .. لا ياعم يفتح الله ..
ومن ساعتها دايما تقولى خفت واتخليت عنى ..
طب وانت ايه اللي خلاك تتراجع؟ يعني الأولاد وأمهم أكيد ما كانوش حيعملو كده فعلاً!
مجربتيش الطريقه دى ليه ؟ ولا الفاس جت فى الراس فجأه ..
أوه لاّ لاّ ... أنا مش بتاعة كده دي خالص ... عارف انت الكرامة اللي مبهدلاني. 
بس برضه احب اسمع منك نصايح تجاوزتى الازمه ازاى ؟ بس تكون روشته ناجحه مش تحت التجارب والتشغيل .
|
بجد يا خالو انت شايف اني تجاوزت الأزمة؟!!
بص أنا كنت فاكرة زمان إن المعطيات والعوامل الخارجية لها دور .. يعني إن الزوج يكون كويس وبيراعيني ويحتويني .. والحقوق كاملة والعيشة هنية .. والوضع العام تغلب عليه الإيجابيات.
لكن في الحقيقة كل ده ما كانش مساعدني كتير .... المشكلة كانت في نفسي وإحساسي بغض النظر عن كل حاجة.
حالياً أنا بقالي كم يوم نفسيتي هادية فعلاً .. ومن ساعة ما رجع الشغل ما فكرتش فيه كتير .. وشايفة ان ده إنجاز.
بس بجد خايفة على نفسي لأني طول السنة وعشر شهور اللي فاتو كنت ما بين صعود وهبوط نفسي .. فمش قادرة أفرح قوي بهدوئي الحالي.
انت بس اديني ست شهور كده ... لو فضلت مستقرة وفي العالي هرجع أقول لك الروشتة.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 28-09-2014 الساعة 07:51 PM