عزيزتي بنت مكة واخي ابن مكة الله يهدي سركن بتذكر ئديش كنتوا مصرين تبقوا مع بعض وخاصة وقت ضغوطات اهلك وبتذكر وقت كنت تقول اخي ابن مكة مستحيل اتخلى عنها بعمل المستحيل وبوقف بوجه الكل كرمالها وبتذكر ئديش وقفتي بوجه اهلك كرمال زوجك معقول هيدا كلو راح بس صار في طفل بيناتكن
وبتذكر ئديش اثر فيني المشهد وقت قلت اخي كانت واقفة مع اغراضها عالطريق وناطرتك وكان شكلها بيقطع القلب واتخلت عن اهلها كرمالك
كانت مشاكلكن اهلك وكنتوا تحبوا بعض حب مش طبيعي بس حملتي كل شي اتغير ارقوا نفسكن وضعكن مش طبيعي ووحامك اجا على زوجك وسبق اقترحنا على زوجك انوا يتركك لبعد الولاد عند اهلك ولكن شاء الله وحدث الطلاق للمرة الثانية
رجاءا اخي ابن مكة تعبان واختنا بنت مكة كمان تعبان يا ريت تبعدوا عن بعض لما بعد النفاس ووقت تشوفوا طفلكن مشاعركن رح تتغير حبكن اللي كان رح تقدموه لطفلكن ورح تتغيري حبيبتي هرموناتك هلئ كتبر ملخبطة انا عمتي كانت ما تتحمل كلمة من زوجها بالرغم من حبها له
اعمامي طلبوا يتركها فترة الحمل عند بيت جدي وسبحان الله بس ولدت صارت انسانة تانية
وابت عمك متزوج يعني معقول تتخلي عن حب حياتك وعن انسان الكل بيحمد فيه وبشهادتك لتكملي حياتك مع ضرة هل هذه الحياة اللي بتتمنيها او بدك تهربي من واقعك لانك حاسة حالك ما قادرة تتغيري
عزيزتي بتتغيري وما في شي بيبقى متل ما كان بس بدك وقت وبحاجة لاستشاري اسري وبحاجة لوقت صدقيني كلنا عنا سلبيات متل ما عنا ايجابيات وما حدا ملاك بس اعطي حالك فرصة لما بعد الولادة واشتغلي على نفسك وطوري من حالك
صدقيني حرام الحب اللي بيناتكن يضيع بفترة قصيرة حرام كرمالكن وكرمال طفلكن وكرمال العذاب اللي اتعذبتوه اول زواجك والتحدي اللي واجهتوا الكل
من كل قلبي بتمنالكن ترجعوا تتذكروا تعلقكن ببعض قبل حملك وتحملكن الصعوبات وتماسكن كرمال ما حدا يفرق بيناتكن
اسأل الله ان يسخركما لبعضكما ويقر عيونكم برؤية طفلكم ويجعله من الصالحين

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه