المشاركة الأصلية كتبت بواسطة بدوي حساس

السلام عليكم

اشوف مشكلتك جدا بسيطه ومستغرب من ردود الاخوان اللي ممكن تدمر بيتك وبالنهاية انت وزوجتك الخسرانين ومحد درى عنك

زوجتك مبين عليها فيها خير وعلى كلامك بدأت تتقبل البيت وتحس ان مملكتها وتغسل ملابسك واطبخت لك وزوجتك غير ماديه عالرغم انها استقالت الا انها عافه نفسها عنك ( شوف الموضوع من زاويه ايجابيه )

بخصوص كوي الملابس زين منها انها تغسل كان المفروض توافق على الكوي غير مكلف نهائيا اشوية ريالات واغلب الناس تكوي بره لان جوده الكوي افضل من البيت ومنها تريح زوجتك

اخي الفاضل المسأله ليست مسأله تكلفه او جودة .. العبره ان الزوجه لابد يكون لها بصمه في يوم زوجها من ترتيب لملابسه وهندامه .. اكله وشربه .. ترى كلها تنعكس ع شخصيته في عمله ومع الناس .. يحس انها مهتمه فيه وتبى تطلعه بااحلى صورة ..
فالمفروض تأخذ وتعطي معها يعني خلها تكسب بعض الأمور وحسسها بالاهتمام مثال يعني هي تغسل وتكوي بالمغسله وان فلست اطلب منها تكوي بالبيت مسالة أيام وراح تقدرك
الطبخ مره عليها ومره من مطعم لين تتعود عالطبخ ولين توصل الخدامه وهكذا

من ناحيه الطبخ والله ماني مثقل عليها بالطلبات .. بس للأسف تتظجر من المطبخ كثير .. تخيل شارين صحون وقدور ومواعن للمطبخ بقيمه 5500 ريال ولا نستخدمها خير شر .. ناخذ بلاستيك يوم نجي نقضي !!!

من ناحية الفلوس اللي بالبطاقه واضح ما تنفع مع زوجتك لاسباب منها عزة نفسها وما تعرف كم تأخذ من المبلغ ومنها كذلك مبين ما تعرف تتصرف وتبي رجال شايل البيت ويحسسها بالأمان يعني لازم انت تروح تشيل البيت من نفسك وغير كذى عطها مصرف لها بيدها

صديقي .. هل هناك مبداء اسمه عزة نفس الزوجين !!!( حسيت هالنقطه منها بس مايصير!!! ) من ناحيه التصرف بالعكسس جدا مبدعه وتعرف تتصرف .. ساعات هي تقضي وترتب مقاضي بيت ابوها من الى كل شي !!والله هاذي وحده من الاشياء اللي جعلتني اتقدم لها .. بس في بيتها للأسف لا ليش مادري !!
كون خالها او اخوها تدخل بالموضوع هذا ما يهمنا كثير المهم ان واحد من محارمها وخلاص لا تدخل نفسك بمتاهات كل بيت وله اسراره الا ان كان الخال ما منه فايده هنا تروح لاخوها

المصرف اللي طلبته 1000 ريال مبلغ جدا بسيط واقل من بسيط خصوصا انها كانت موظفه وكان المفروض تدفع لها من غير ما تطلب وتسليم باليد

روحتها لاهلها ونامت اكثر من المده المتفق عليها غلط تقدر تمشيه خصوصا في بداية الزواج والمفروض أصلا ما تخليها تغلط هالغلط دامها قالت تبي تنام أسبوع عند أهلها خلها تنام أسبوع لان عندك ملل وما تعودت على بيتها تحتاج سنوات لين تلهى بالعيال ومثل ما قلت انت هي بدات تتقبل بيتها مع مرور الوقت يعني ماهي متعلقه تعلق مرضي باهلها مسأله وقت وتثقل وتقل روحاتها لاهلها
وان راحت لاهلها تعيشون اثنينكم حياة الحريه كم يوم وهالشي صحي وممتع ويبعد الملل

والرضاوه مبلغها بسيط وهذا عرف اجتماعي سائد لا تخالف الناس ومجتمعك وتقعد لحالك
منت صغير تمر السنين وباكر تندم على حالك

بعد كل هالمحاولات ان ما انصلحت الزوجه انت بطريق وهي بطريق

فاجئهم وتعال بطريقه جديده واقبل بالصلح وبشروطهم وشوف شنو راح يصير معاك
وانت تغير للاحسن من غير ما تعلم زوجتك بخطتك وراح تشوف الفرق

والله اعلم