وعليكم السلام ورحمة الله وبركاته

سبحان الله العمر يركض ركض

الله يبارك لك ببنتك وبعيالك ويفرحك فيهم حبيبتي

أنا جربت الزواج المبكر ومع أنه زوجي ولد عمي وكنت قريبة من أهلي وكل هذا من 35 سنة لكن برضه أشوفه قرار غلط .

1. بنتك لسه صغيرة حتى على القدرة على اتخاذ القرار ..يعني ما تقدري تعتمدي على نضوجها بحيث أنها تختار صح فما بالك بأن تكون أهل لأن تقرر اذا هي أهل للزواج أو لأ

2. الزواج مسؤولية وتعب على بنت بهذا العمر خاصة بظروف الحياة الحالية .

3. الشهادة للبنت أهم من الشهادة للولد .. الولد يقدر يشتغل بمهنة أو تجارة أو أو .. لكن البنت صعب عليها هذي المجالات .. ولهذا الشهادة جدا مهمة لها
1- للعمل وكسب المال خاصة انه ما عادت وظيفة الزوج تكفي بهذي الأيام .
2- لشخصيتها وقدرتها على التعامل مع الناس من زوج واهل زوج وجيران وغيره .
3- أمان لها ولمستقبلها في حالة اضطرت تعيل أسرتها أو نفسها ..
4- مصدر قوة أمام زوجها .. الرجل يظل بشر وغصب عنه مهما كان راح يستهين فيها لو حس أنه مالها ملجأ الا له .. لكن لما يكون مدرك انها قادرة تعتمد على نفسها راح يحترمها أكثر

واستخيري عزيزتي .. ربي يكتب لبنتك الخير ويوفقها

__________________