اخى العزيز
اهلا بك وبك اصدقائنا فى مصر
مصر كبيره ومتنوعه ويجب ان تحدد المجال الذى تريد ان تشتكشفه
مبدايا لا ترتدى زى عربى فى مصر والبس لبس مصرى ودايما خلى فى جيبك فكه صغيره ..
ياريت يكون معاك حد مصرى يرافقك فى الطريق
لو عاوز تروح مصايف تعوم وتسبح انصحك بشرم الشيخ وفيه شركات سياحه بتعمل رحله اربع ايام بالافطار بالف جنيه مع برنامج غطس وسافارى
بس خد بالك من السياح مش لابسين حاجه
مالكش دعوه بيهم
ممكن الساحل الشمالى ومرسى مطروح ميتها جميله جدا وهناك مزارات واماكن سياحيه كشاطئ روميل ممكن تزورها ومش غاليه ..
لو معاك المدام وعاوز تفسحها ممكن تروحوا القناطر بمركب نيلى من الصباح الباكر وتستمتع بالحدائق والفسحه النيليه بس بيطلعوا بدرى تسعه الصبح من امام فندق هيلتون ..
لو غاوى اثار عندك المتحف المصرى فى ميدان التحرير وكذلك الاهرامات وركوب الخيل ولكن احترس ممن الباعه هناك ولا توافق على اول بائع وفاصل فى السعر ..
ممكن كمان الاقصر واسوان بها اكبر اثار العالم ومعبد الكرنك وطريق الكباش ولكن الجو حار فى الجنوب الان ..
لو بتهوى السينمات عليك ونص البلد سينمات البلد والمولات وتستمتع بالفن المصرى ..
لو عاوز صافيناز عليك بشارع الهرم ..
لو عاوز سياحه دينيه عليك بجامع الازهر وبجواره حديقة الازهر وجامع الحسين وخان الخليلى للمشغولات الذهبيه ..
مصر لو اتمشيت فيها بالليل كفايه حاتستمتع وانت على النيل وبتاكل ذره مشوى انت ومراتك وادعيلنا لما ترجع