رامي ،،، انا ما بنصحك ان تضغطون على انفسكم وتتقبلون والدتكم وكأن امرا لم يكن لانه صعب ! جرح الامومة والابوة صعب انك تعالجه لانه شي انزرع بعقولكم وقلوبكم ومع الظروف اللي مريتوا فيها هالشي زيد من صعوبة التقبل ..، لكن اللي بنصحك فيه هو الاحترام فقط لها كأم حملت بكم 9 اشهر وربتكم حتى لو لسنوات قليلة ولكن تعتبر امكم رغم كل شيء فا حسن لها بالكلام او الفعل لله فقط ... ماراح تقدرون تتناسون اللي صار وتحتاجون لعلاج مطول مع اسنشاري نفسي واجتماعي عسان توصلون لنقطة التقبل لكونها والدتكم ...

انصحها بالنسبة للبسها ،، وزوجة ابيك بروا بها وعوضها وعوض اخوتك منها باللي تقدرون عليه لانها من العملات النادرة بهالزمن ولا تهم الجنسية صدقني لان مثل مانقول بكل قرية مقبرة اي الزين والشين من الاطباع وزوجة ابيك ماشاء الله ربي يجازيها ويحنن عليها يارب تستحق كلمة ام فعلافلا تتركوها وحيدة ولا تخلوها تنظلم لانها امانة عندكم هي واخوتكم بعد وفاة والدكم ..

لاتضغطوا على نفسكم من ناحية والدتكم وعطوا نفسكم الفرصة عشان تتقبلوا وجودها بحياتكم مرة اخرى ، ولا تسكروا مل الابواب بل اتركوا ع الاقل باب واحد ومنفذ لعلاج هالعلاقة ..،