والحمدلله بعد فترة تحسنت ظروفنا دخلنا انا واختي الجامعة وتوظفت في الشركة وصرت اصرف على البيت واشترينا سيارة والحمدلله والشكر لله عشان اختصر وربي طولت معليش من رمضان امي اتصلت من رقم غريب رديت مرحبا مين معي قالت حبيبي رامي انا امك عرفت صوتها بس مع هذا ما تحرك شيء فيني وقلت انا ما عندي ام غير فلانة ( زوجة ابوي) وقفلت في وجهها وصارت تتصل كثير وقفلت الجوال وقلت لاختي عن الهرجة قالتلي احسن ما سويت دوبها تذكرتنا ارسلت رسالة طويلة عريضة تحكي انها اسفة وتعزينا على ابوي قلت بدري ابوي مات وشبع موت وحكيتها عن حياتنا كيف كانت وكيف صارت واننا كنا محتاجين لكي وبعتينا والحين مالك اي مقام عندنا ولعد تتصلين تقول وهي تبكي يا ولدي تكفى سامحني تكفى وصارت تقول كلام مو مفهوم وقفلت في وجهها وربي كرهتها والنفس طابت منها الله لا يوفقها في العيد كنا انا وزوجة ابوي واختي في بنده نشترى كم غرض الا مين قدامنا جدي وولد اخوه وامي انا واختي عرفناها على طول بس طناش وصارت تلحق ورانا وبصوت قوي والناس كلها تطالع وتسحبنا ما ايادينا وتقول اعطوني فرصة بالله اسمعوني وتبكي اختي وقفت وصارت تصيح في وجهها وجا زوجها بيمد يده على اختي ورحت ضربته وجات الناس فكت بيننا وكم مرة تجي بيتنا وما نفتحلها الباب وصارت تكلم زوجة ابوي نسامحها ونعطيها فرصة بعدين جات عندنا زوجة ابوي واخذتنا في غرفة وصارت تقول هذي امكم مهما سوت سامحوها وتحاول تصلح بيننا بس خلاص طابت النفس والا يومكم هذا تتصل وتتأسف ومستمرين انا واختي بالتطنيش حتى مرة جا جدي البيت وصار يسب فينا انتم مافيكم خير هذي امكم رحت طردته من البيت وتفلت في وجهه زي ما سوا في ابوي الله يرحمه في الختام انا جيت افضفض هنا واتمنى تساعدوني بدون تجريح لا تلوموني على شيء بس شوفوا وش سوت فينا بالله هذي تستحق البر؟ تستاهل تنعطى فرصة ثانية ؟