بصراحه يافجر فيه مجتمعات كده مابتحبش الاختلاط وينظرو لبعض بريبه
انا هنا بقالى شهر ماشفتش على السلم صريخ ابن يومين واللى اقابله فى الاسانسير اول مايفتح الباب يجرى على طول
قفشت عيل صغير سورى وقلت اصاحبه والحمد لله لما يشوفنى فى الشارع يسلم على
حتى واحد من عندكم واعدته انى آجى ازوره وفوجئت انه ترك المدينه وسافر ولم يقل لى لا قبلها ولا بعدها وعرفت منه لما كلمته فى المطار
باقولك كده ليه لان مش الطيبه هى اللى حاتخلى الناس تهرب منك لا هم كده ولما يكون ليهم مصلحه حاتشوفيهم
زى الشغاله اللى عندك
استمرى كما انت وخلى علاقتك مع الناس متوازنه ولا تنجذبى بسرعه لاى حد
ولا حتى فى كلام النت
وعندما تتوطد علاقتكم ويحكى هو اكثر مما تحكى تستطيعى ان تفتحى له قلبك
طيبتك حلوه ومطلوبه وما تقعديش تكررى انى انا طيبه انا هبله لان ده حايرسخ جواكى المعانى السلبيه
رددى داخلك انا ودوده
انا متعاونه
انا واثقه من نفسى
انا ناجحه
كل ماتكررى ايجابياتك فى العقل الباطن تتوارى السلبيات من ذهنك وينعكس ذلك على تعامل الناس معك