انا ما افضل الاستشارة بهذي المواضيع اختي مهما كانت ردود الاعضاء
ماراح تاخذين الاشورك لان كتبت موضوع زيك والردود متشابهه
هالموضوع يبيله عقل ومنطق مو قلب وعاطفة واللي يده بالماي مو مثل
اللي يده بالنار
انا كنت نفس وضعك زوجي حبوب وطيب وكريم ومايعاني من اي عله غير العقم
تدرين انو صرت اشوف الرجال ملائكة من سمو اخلاقة وصلاحة
وعشت معاه ثلاث سنوات بخير ونعمه الكل يحسدني عليها لكن من داخلي
حزينه ابكي يوميا لما ينام زوجي
احس بالنقص اتضايق لما اسمع فلانه حامل وهي تزوجت معاي او بعدي مو حسد
بس حسرة على نفسي وعمري اللي راح
في النهاية طلبت الطلاق بالسنه الثانية وهو رافض ورديت على امل يتعالج
وللاسف الدكاترة كلهم اتفقو انو ماله علاج
وطلبت الطلاق واصريت على رأيي وطلق برساله لانو مو قادر ينطقها وبكى ويترجاني بايام العدة
ويذكرني بمواقف حلوة بينا مايسويها الا رجل يحب من قلب
وانا كنت من جد حزينه لكن ربي يسر موضوع طلاقي
ماتوقعت راح اتأقلم بسرعه على حياتي من بعده وانساه بس هذا اللي حصل
وهو تزوج بعد انتهاء العدة حياته مو واقفه علي عسى ربي يسعدة
ويرزقه بالذرية الصالحة.. هذي قصتي مختصرة لعلها تفيدك
حبيبتي فوضي امرك لله وتوكلي عليه اذا فيه مجال للعلاج ابذلو جهدكم وماراح اذكرك
بفضل الصدقه والاستغفار هذا امر مفروغ منه
واذا لا الحقي عمرك لاتياسي ولا تتحطمي من سيئي الظن بالله
ربي كريم وعند ظن عبده فاحسن الظن وابشري بالسعد